Líffræðingur frá Davis í Kaliforníu:

Kennir að hreinsa olíublautar pysjur

16.September'17 | 05:50
saeheimar_150917

Ljósmynd/Sæheimar.

„Við í Sæheimum kynnum til leiks nýjan starfsmann, sem mun aðstoða okkur næstu daga við pysjueftirlitið. Það er Karen Lynn Velas líffræðingur frá Davis í Kaliforníu. Hún hefur m.a. unnið við að hreinsa olíublauta fugla af ýmsum tegundum eftir mengunarslys.”

Þetta segir á heimasíðu Sæheima. Þá segir að hún muni taka starfsfólk Sæheima á námskeið á þessu sviði.

„Það er mikill fengur fyrir okkur að fá sérfræðing til að kenna okkur réttu handtökin við hreinsun fugla sem lennt hafa í olíu eða grút. Á hverju ári eru einhverjar pysjur sem lenda í olíu eða grút og núna erum við með um 15 pysjur sem þarf að hreinsa og endurhæfa áður en hægt er að sleppa þeim. Auk þeirra eru tveir fullorðnir lundar og ein dúfa sem þarf að hreinsa.” segir ennfremur í fréttinni.

72 pysjur í gær

Í gær var komið með svipaðan fjölda pysja og í fyrraag, eða 72 pysjur. Eins og oft vill verða þegar líður á pysjutímabilið þá eru pysjurnar örlítið léttari en þegar fjöldinn er í hámarki. Pysjurnar eru þó lang flestar vel gerðar og tilbúnar að halda á haf út. Merktar voru um 50 pysjur í gær.

Á myndinni eru þau Karen og Eldur A. Hansen, sem einnig hefur rétt fram hjálparhönd við pysjueftirlitið. 

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...