Afleysingaskip fyrir Herjólf kynnt á næstu dögum

30.Ágúst'17 | 07:16
IMG_4228-001

Herjólfur þarf að stoppa í tæpar þrjár vikur vegna viðhalds. Ljósmynd/TMS.

Bæjarráð fjallaði í gær um fyrirhugaðar viðgerðir á Herjólfi seinnihluta september og afleysingaskip fyrir Herjólf. Fram kom að ekki hafi enn fengist formlegt svar við því hvaða skip muni leysa Herjólf af á meðan á viðgerðum stendur. 

Hins vegar lá fyrir tölvupóstur frá vegamálastjóra þar sem fram kom að vinna við að fá afleysingaskip væri vel á veg komin og vonir stæðu til að á næstu dögum yrði hægt að gera grein fyrir hvernig siglingum yrði háttað á meðan á slipptöku stendur. 

Fullt haffæri til siglinga bæði í Þorlákshöfn og Landeyjahöfn

Bæjarráð ítrekar það sem áður hefur komið fram um að ekki komi á neinum tíma til greina að skip verði fengið til afleysingar fyrir Herjólf sem ekki hefur fullt haffæri til siglinga bæði í Þorlákshöfn og Landeyjahöfn.

Þá leggst bæjarráð eindregið gegn öllum lausnum sem fela það í sér að skip verði tekið af öðrum byggðalögum hér við land til að nýta í Vestmannaeyjum. Þá telur bæjarráð einnig brýnt að öllum takmörkunum á flutningsgetu þeirra skipa sem þjónusta Vestmannaeyjar verði mætt með fleiri ferðum, segir í bókun bæjarráðs.

Fasteignasalan Eldey

11.Maí'21

Eldey fasteignasala.  Sími 861-8901.  Arndís M. Kjartansdóttir löggiltur fasteignasali.  Goðahrauni 1.  disa@eldey.net.  Lægsta söluþóknunin í Eyjum, 1 % fyrir einkasölu. 

Tungumálafólk óskast til vinnu sem túlkar

10.Maí'21

Alþjóðasetur leitar að fólki í Vestmannaeyjum til starfa sem túlkar.  Góð kunnátta á móðurmáli og íslensku er skilyrði, auk góðrar færni í mannlegum samskiptum, stundvísi, háttvísi og trúnaður.  Starfið er unnið í verktöku og ráðast laun af fjölda verkefna. Vinnutími er frjáls og sniðinn að óskum hvers og eins.  Boðið er upp á gjaldfrjálst starfsþjálfunarnámskeið áður en störf hefjast. Umsókn ásamt ferilskrá sendist á asetur@asetur.is  

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...