Pysjufjörið að fara af stað

Miðað við nýjustu upplýsingar frá fræðingunum á Náttúrustofu Suðurlands er ýmislegt sem bendir til að þetta verði hið ágætasta pysjutímabil og vonumst við til að þeir verði sannspáir, segir í frétt á vefsvæði Sæheima. 

Á myndinni er Hilmar Gauti Garðarsson með pysjuna sína sem fannst á Brimhólabraut. Hún var mjög flott og vóg 310 grömm, sem er vel yfir meðalþyngd lundapysja. Hinar pysjurnar hafa verið talsvert léttari en oftast eru fyrstu pysjur tímabilsins í léttari kantinum.