Sjómannadagurinn - dagskrá helgarinnar

9.Júní'17 | 06:40
IMG_1903

Frá sjómannadeginum í fyrra í sól og blíðu. Mynd/TMS.

Í dag hefst dagskrá Sjómannadagsins í Vestmannaeyjum með opnu sjómannamóti Ísfélags Vestmannaeyja í golfi. Á Ölstofunni verður sjómannabjórinn Zoëga kynntur. Í kvöld klukkan 22.00 verður svo Skonrokk í Höllinni.

Laugardagur

Dagskráin á morgun, laugardag hefst klukkan 11.00 með dorgveiðikeppni Sjóve og Jötuns á Nausthamarsbryggju.

Klukkan13.00 verður sjómannafjör á Vigtartorgi, séra Guðmundur Örn Jónsson blessar daginn. Þar verður kappróður, koddaslagur, lokahlaup, sjómannaþraut og fleira. Verðlaun í koddaslag og karalokahlaupi er pizzutilboð í boði 900 Grillhús, Ribsafari býður ódýrar ferðir, hoppukastalar, popp og flos. Drullusokkar mótorhjólaklúbbur verða með opið í á Skipasand og sýna fáka sína.

Klukkan 19.30 verður í Höllinni hátíðarsamkoma Sjómannadagsráðs, Hallarinnar og Einsa Kalda.

Sunnudagur

Sunnudagurinn verður með hefðbundnu sniði og verða fánar dregnir að húni klukkan 10.00. Sjómannamessa verður í Landakirkju klukkan 13.00. Eftir messu verður minningarathöfn við minnisvarða hrapaðra og drukknaðra.

Klukkan 14.30 verður sjómannadagskaffi Eykyndilskvenna í Alþýðuhúsinu og klukkan 15.00 hefst hátíðardagskrá á Stakkó. Þar verða heiðraðir aldnir sægarpar, Lúðrasveitin og Karlakór Vestmannaeyja skemmta. Ræðumaður Sjómannadagsins er Sigurgeir Jónsson. Þá fer fram verðlaunaafhending fyrir afrek dagsins.

Klukkan 17.00 verður bókin Fiskveiðar, fjölbreyttar áskoranir, sem kemur út á íslensku um Sjómannahelgina, kynnt í Einarsstofu. Viðskiptafræðingurinn og sjávarútvegsráðgjafinn Óli Samró, höfundur bókarinnar kynnir bókina og ræðir málin.

Dagurinn er tileinkaður Friðrik Ásmundssyni.

Þá er sýning á verkum Gunnars Júlíusson og Sigurgeirs Jónassonar í Einarsstofu og Viðar Breiðfjörð sýnir verk sín í Akóges alla helgina. 
 
 

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-