Meistaradeildin:

Mús tafði flugferð um fjórar klukkustundir

2.Mars'17 | 14:28

Mús sem laumaði sér inn í farþegaþotu frá British Airways á Heathrowflugvelli á eftir að kosta flugfélagið yfir þrjátíu milljónir króna. Þegar Boeing 777 þota með um það bil tvö hundruð farþega innanborðs var að leggja af stað til San Francisco kom einhver auga á músina. 

Flugtaki var aflýst þegar í stað, þar sem hætta er á að mýs nagi í sundur víra sem gera nauðsynlegan búnað óvirkan.

Flugáhöfnin grínaðist með atvikið, tilkynnti að mús væri um borð og ekki kæmi til greina að fljúga með hana vestur um haf án vegabréfsáritunar, að því er kemur fram í frétt norska ríkisútvarpsins. Nokkurn tíma tók að fá aðra þotu í stað þeirrar sem var kyrrsett. Brottförin tafðist því um rúmlega fjórar klukkustundir.

Samkvæmt reglum Evrópusambandsins á hver farþegi rétt á sex hundruð evrum í bætur vegna tafarinnar. Farþegar sem misstu af tengiflugi frá San Francisco eiga einnig rétt á gistingu sér að kostnaðarlausu ef þeir þurfa að dvelja í borginni yfir nótt.

 

Ruv.is greindi frá.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Glæný fýlsegg

17.Maí'22

Er kominn með glæný fýlsegg. Upplýsingar í síma 8693499, Georg.