Herjólfur:

Kvöldferðir falla niður - búist við Þorlákshöfn á morgun

24.Nóvember'16 | 18:21

Aðstæður versna hratt í Landeyjahöfn, vindur hefur aukist og ölduhæð er á uppleið eins og spá sagði til um. Kvöldferðir Herjólfs falla því niður í kvöld, segir í tilkynningu frá Herjólfi.

Þá segir að gert sé ráð fyrir siglingum til Þorlákshafnar á morgun, föstudag að minnsta kosti fyrri ferð. Brottför frá Vestmannaeyjum klukkan 08:00, mæting kl. 07:30. Brottför frá Þorlákshöfn 11:45.

Tilkynning varðandi siglingar seinnipartinn á morgun verður send út eftir hádegi föstudag. Farþegar sem eiga bókað 08:30/12:45 til/frá Landeyjahöfn færast í ferðir til/frá Þorlákshöfn 08:00/11:45. 

Aðrar ferðir færast ekki. Farþegar sem eiga bókað í aðrar ferðir verða að hafa samband við afgreiðslu Herjólfs í síma 481-2800 og láta færa sig í aðrar lausar ferðir.

Farþegum er bent á að skilja ekki bifreiðar eftir í Þorlákshöfn eða Landeyjahöfn þar sem brugðið getur til beggja vona og fólk lent í vandræðum vegna þessa.

Farþegar eru vinsamlegast beðnir að fylgjast með fréttum á herjolfur.is, á facebook síðu Herjólfs og síðu 415 í textavarpi RUV.

 Nánari upplýsingar í síma 481-2800.

 

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Tungumálafólk óskast til vinnu sem túlkar

10.Maí'21

Alþjóðasetur leitar að fólki í Vestmannaeyjum til starfa sem túlkar.  Góð kunnátta á móðurmáli og íslensku er skilyrði, auk góðrar færni í mannlegum samskiptum, stundvísi, háttvísi og trúnaður.  Starfið er unnið í verktöku og ráðast laun af fjölda verkefna. Vinnutími er frjáls og sniðinn að óskum hvers og eins.  Boðið er upp á gjaldfrjálst starfsþjálfunarnámskeið áður en störf hefjast. Umsókn ásamt ferilskrá sendist á asetur@asetur.is  

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...