Helga Tryggva skrifar:

Flóttamenn

23.Október'16 | 20:18
helga_tr_16

Helga Tryggva

Börn deyja vegna þess að þau eru óheppin að búa þar sem brjálaðir menn varpa sprengjum því þeir eru valdagráðugir. En það kemur börnunum ekkert við af hverju sprengjurnar falla og þau geta ekkert gert í því. Þau eru saklaus.

Hvað getum við gert annað en að grátið yfir ástandinu?  Sumir gráta ekki, mögulega vegna þess að ástandið er fjarlægt og að málið snertir okkur ekki beint vegna fjarlægðar. Ef við hugsum aðeins þá áttum við okkur á að hér er fullt af fólki sem hefur þurft að flýja heimahagana og auðgar nú samfélag okkar og menningu. Einnig hafa sumir Íslendingar upplifað af eigin reynslu að vera á flótta. Í janúar 1973 lenti ég í því ásamt rúmlega 5000 öðrum Vestmannaeyingum að vera á flótta undan náttúruhamförum. Ég man þessa nótt vel og ég þá sex ára gömul fannst mjög flott að fá frítt í strætó frá Þorlákshöfn til Reykjavíkur.

Ég er langt frá að líkja mér við börnin sem eru grafinn undir rústum lifandi eða dáin.

En það sem ég hugsa um í þessu samhengi er að hvað ef kannski  tuttugu eyjamenn hefðu fengið að fara með strætó til Reykjavíkur en restin af okkur þurft að dvelja á bryggjunni í Þorlákshöfn svo mánuðum skipti við lélegan aðbúnað. Bara af því fólk hafði ekki áhuga á að hjálpa okkur, því fannst það of mikið vesen. Fáránleg hugsun ekki satt? En er þetta eitthvað fáránlegra en það ástand sem nú ríkir í flóttamannamálum í Evrópu?

Við getum ekki setið hjá aðgerðarlaus.

Við getum tekið á móti fleiri flóttamönnum og gert það almennilega. Gert þeim kleift að lifa með reisn í okkar samfélagi og verða hluti af okkur, eða snúa aftur til síns heima þegar friður kemst á ef þeir kjósa svo.

Við getum beitt okkur á alþjóðavettvangi fyrir friði. Þó svo það bjargi ekki börnunum sem dóu í gær og eiga eftir að deyja á morgun getur það mögulega komið í veg fyrir í framtíðinni að lítil kríli láti lífið vegna þess að ráðamenn einhverra landsvæða geta ekki komið sér saman um deilumál.

VG leggur áherslu á að Ísland taki skilyrðislausa afstöðu gegn hernaði.

VG leggur áherslu á að Ísland beiti sér fyrir afvopnun á alþjóðavetvangi.

VG leggur einnig áherslu á að Ísland taki á móti fleiri flóttamönnum.

Þess vegna vel ég VG.

 

Helga Tryggva

 

Höfundur skipar 5. sæti VG í Suðurkjördæmi.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.