Fréttatilkynning:

Starfið fer af stað í Landakirkju

- Sunnudagaskóli, barnastarf, foreldramorgnar, Vinir í bata, Kór Landakirkju og fleira

6.September'16 | 13:35

Eftir rólegt sumar er starfið í Landakirkju að vakna af dvalanum. Sunnudagaskólinn verður á sínum stað á sunnudagsmorgun, þann 11. september kl.  11.00 og messa með fermingarbörnum og foreldrum í kjölfarið kl. 14:00. Sr. Guðmundur Örn fer fyrir báðum dagskrárliðunum ásamt Gísla í sunnudagaskólanum og Kitty og Kór Landakirkju í messunni.

ÆsLand, Æskulýðsfélag Landakirkju og KFUM og K í Vestmannaeyjum heldur svo sinn fyrsta fund kl. 20:00 um kvöldið en hún er í höndum Gísla æskulýðsfulltrúa líkt og endranær.

Barnastarfið fer af stað í vikunni en STÁ (6-8 ára) og NTT (9-10 ára) fara af stað á þriðjudögum í vetur. STÁ kl. 14:30 og NTT í kjölfarið kl. 15:30. Kirkjustarf fatlaðra hefur svo göngu sína á mánudag, 12. september en þar verður mikið stuð líkt og alltaf.

Foreldramorgnar milli 10 og 12 á fimmtudögum.
Foreldramorgnar fara í gang kl. 10 á fimmtudagsmorgun, 8. september og langar okkur að bjóða öllum áhugasömum foreldrum að koma til okkar þá, ræða um tengd mál og þyggja léttar veitingar.

Vinir í bata – 12 spora starf í Landakirkju
Næstu þrjá mánudaga verða opnir kynningafundir hjá Vinum í bata og hefjast þeir kl. 18:30. Að þeim loknum verða lokaðir fundir með byrjendahóp á þessum tíma. Góð leið til að takast á við tilfinningar af einlægni. Hentar vel til einfaldrar tiltektar í lífi og starfi og allt upp í það að takast á við þung áföll. Fyllsta trúnaðar er gætt. Allir eru velkomnir.
Framhaldshópur starfsins er svo á hefðbundum tíma kl. 20:00 á mánudagskvöldum.

Kór Landakirkju leitar að fleiri meðlimum.
Æfingar kórsins eru á fimmtudagskvöldum og hefast kl. 20:00 en stjórnandi Kórsins er hin hæfileikaríka Kitty Kóvacs. Kórinn fer á næstu vikum að hugsa að jólatónleikum sínum sem haldnir eru um miðjan desembermánuð í bland við hefðbundinn athafnaundirbúning. Kórinn leitar nú að fleiri söngfuglum til þess að taka þátt í starfi kórsins. Þessa stundina vantar karlsöngvara og þá sérstaklega í bassa deildina. En þó þú lesandi góður fallir ekki í þá deild ertu samt sem áður marg velkomin að koma og taka þátt. Enginn verður svikinn af því að starfa í Kór Landakirkju.
 
 

Annað spennandi

Í Landakirkju starfa svo mörg góð og öflug félög sem stutt hafa við kirkjuna í fjölda mörg ár. Aglow-konur funda fyrsta miðvikudag í hverjum mánuði þar sem fluttir eru er fyrirlestrar um andleg málefni, sungið er og beðið og boðið er upp á léttar veitingar.

Kvenfélag Landakirkju er gríðarlega metanðarfullt félag sem starfað hefur í og stutt við Landakirkju í rúm 70 ár. Óeigingjarnt starf þeirra hefur skilað söfnuði Landakirkju miklu í gegnum árin og er það ómetanlegt. Samverur Kvenfélagsins eru í safnaðarheimilinu á þriðjudagskvöldum kl. 20:00 og eru allar konur boðnar velkomnar.

Gídeón félagið í Vestmannaeyjum er svo starf fyrir karla á öllum aldri sem hefur það að markmiði að breiða út Guðs orð. Félagar í Gídeón hittast annan þriðjudag í mánuði í fundarherbergi Landakirkju kl. 20:00. Allir karlar velkomnir.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Tungumálafólk óskast til vinnu sem túlkar

10.Maí'21

Alþjóðasetur leitar að fólki í Vestmannaeyjum til starfa sem túlkar.  Góð kunnátta á móðurmáli og íslensku er skilyrði, auk góðrar færni í mannlegum samskiptum, stundvísi, háttvísi og trúnaður.  Starfið er unnið í verktöku og ráðast laun af fjölda verkefna. Vinnutími er frjáls og sniðinn að óskum hvers og eins.  Boðið er upp á gjaldfrjálst starfsþjálfunarnámskeið áður en störf hefjast. Umsókn ásamt ferilskrá sendist á asetur@asetur.is  

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.