Stefán Ó. Jónasson um auknar frátafir:

Setur málið í allt annað samhengi

3.Mars'16 | 11:56

Síðustu daga hafa bæjarfulltrúarnir Elliði Vignisson og Páll Marvin Jónsson rætt um að frátafir nýrrar ferju geti orðið mun fleiri daga en ályktun bæjarstjórnar hljóðaði uppá í lok janúar. Lítum á hvað þar stóð:

„Bæjarstjórn vill frá upphafi að samgönguyfirvöld séu meðvituð um að frátafir í siglingum í Landeyjahöfn geta því orðið verulega  umfram fyrri áætlanir þegar veður eru verst.  Þannig kæmi það bæjarstjórn ekki á óvart þótt að í 20 til 30 daga þurfi ferjan að sigla í Þorlákshöfn.“

Eyjar.net setti sig í samband við oddvita minnihlutans, vegna þessara nýju tíðinda og hvort hann fylgi þeim félögum úr meirihlutanum er kemur að frátöfum nýrrar ferju?

Stefán Óskar Jónasson segir þetta hafi komið algjörlega flatt uppá sig og mun hann kalla eftir hvort ný gögn hafi verið lögð fram í málinu. Skipið sé hannað með kojur fyrir tæplega  40 manns og ljóst að sé að þetta miklar frátafir setji málið í allt annað samhengi. Það hafi verið samþykkt að miða við 20-30 daga í lok janúar sl, en nú sé það búið að tvöfaldast og jafnvel þrefaldast miðað við orð bæjarstjóra og formanns bæjarráðs.

„Þetta er náttúrulega allt annað en um var rætt og þessir sömu menn skrifuðu nýverið uppá ályktun sem segir 20-30 daga í frátafir. Lengst af var talað um 10 heila daga í þessum efnum, Hvað breyttist?“  spyr Stefán.

Hið góða í þessu er að enn er hægt að skoða málið. Hvort rétt sé að endurmeta áhersluatriðin í þessu máli öllu saman. Ég óttast það verulega að fólki finnist það svikið ef það þarf að fara sigla í fleiri mánuði á minni, grunnristari ferju til Þorlákshafnar. Það getur þýtt stöðnun og afturför fyrir okkar góða samfélag, segir Stefán Jónasson í samtali við Eyjar.net.

 

Tengd frétt.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Tungumálafólk óskast til vinnu sem túlkar

10.Maí'21

Alþjóðasetur leitar að fólki í Vestmannaeyjum til starfa sem túlkar.  Góð kunnátta á móðurmáli og íslensku er skilyrði, auk góðrar færni í mannlegum samskiptum, stundvísi, háttvísi og trúnaður.  Starfið er unnið í verktöku og ráðast laun af fjölda verkefna. Vinnutími er frjáls og sniðinn að óskum hvers og eins.  Boðið er upp á gjaldfrjálst starfsþjálfunarnámskeið áður en störf hefjast. Umsókn ásamt ferilskrá sendist á asetur@asetur.is  

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.