Sigríður Björg Ingólfsdóttir skrifar:

Svefn skólabarna

7.Nóvember'15 | 07:18

Svefninn er öllum mikilvægur. Hann veitir hvíld, endurnýjar orku og gerir okkur kleift að takast á við viðfangsefni dagsins. Svefnþörfin er að einhverju leyti einstaklingsbundin og breytist í gegnum lífið.

Yngstu skólabörnin þurfa að sofa í kringum 9 tíma á nóttu en þegar komið er á unglingsárin þá eykst svefnþörfin um u.þ.b. klukkustund á nóttu vegna aukins álags sem fylgir unglingsárunum en þá eiga sér stað miklar hormónabreytingar í líkamanum. Mikill hluti þeirra hormóna framleiðist á nóttunni og er sú framleiðsla háð góðum nætursvefni. Að sofa á daginn kemur því ekki í staðinn fyrir tapaðan nætursvefn. Reyndin er þó sú að stór hluti unglinga styttir svefntíma sinn í stað þess að lengja hann.

Heilbrigðar svefnvenjur geta bætt svefninn og það er hlutverk foreldranna að leiðbeina börnum sínum um slíkt.

 

Nokkur svefnráð:

Hafa fastan tíma og skapa fastar venjur fyrir svefninn

Forðast stórar máltíðir rétt fyrir svefninn

Stilla hitann í herberginu þannig að hvorki verði of heitt né of kalt.

Hafa myrkur í svefnherberginu, ef það er nauðsynlegt að hafa birtu þá er hægt að hafa lítið náttljós. Óæskilegt er að börn og unglingar sitji fyrir framan sjónvarpið eða tölvuna seint á kvöldin. Bæði sjónvarp og tölvuleikir örva heilann og trufla þannig svefninn

Dagleg hreyfing er góð bæði fyrir svefninn og heilsuna

Ekki er æskilegt að hafa sjónvarp eða önnur raftæki í herberginu

Það getur verið gott að lesa í bók þegar komið er upp í rúm eða hlusta á lágværa og rólega tónlist

Rannsóknir hafa sýnt að gæði og lengd nætursvefns hefur áhrif á námsgetu og minni. Í svefni fer fram upprifjun og úrvinnsla úr þeim upplýsingum sem við höfum fengið yfir daginn og þær upplýsingar festast í minninu. Einnig er svefninn nauðsynlegur fyrir ónæmiskerfið til að auka mótstöðu gegn veikindum.

Heimildir: 6h.is,   doktor.is

 

F.h. Heilbrigðisstofnunar Suðurlands

Sigríður Björg Ingólfsdóttir

Hjúkrunarstjóri heilsugæslunnar á Selfossi

 

Greinin birtist á vef HSU - hsu.is.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.