Þroskahjálp

Óska eftir fundi vegna húsnæðismála

með bæjarráði

1.Október'15 | 05:25

Bæjarráði Vestmannaeyja barst bréf frá stjórn Þroskahjálpar þann 25. ágúst síðastliðinn þar sem óskað er eftir fundi vegna húsnæðismála fatlaðra. Í bókun ráðsins vegna málsins segir:

Bæjarráð er ætíð til í að funda með öllum aðilum um þau hagsmunamál Vestmannaeyjabæjar og íbúa sem falla undir ráðið.

Bent er á að hlutverk ráða hjá Vestmannaeyjabæ eru bundin af þeim mörkum sem þeim eru sett í bæjarmálasamþykkt. Í 30. gr. bæjarmálasamþykktar segir um verkefni bæjarráðs:

“Bæjarráð fer ásamt bæjarstjóra með framkvæmdastjórn og fjármálastjórn bæjarfélagsins að því leyti sem þessi mál eru ekki öðrum falin.”

Málefni fatlaðra heyra undir tilgreint fagráð og mikilvægt að það umboð sem því er falið sé virt af öðrum ráðum Vestmannaeyjabæjar.

Bæjarráð lýsir yfir fullum stuðningi við fagráðið hvað framtíðaráætlun í búsetumálum fatlaðra varðar og minnir í því samhengi á að í síðustu kosningum lýstu báðir flokkar yfir vilja til að gera þar verulega bragabót á.

Bæjarráð hvetur því fagráðið og hagsmunasamtök fatlaðra til eiga sem fyrst fund vegna þessarra mála, segir að endingu í bókun bæjarráðs.

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.