Fréttatilkynning:

Apríl er alþjóðlegur mánuður gegn ofbeldi á börnum

27.Apríl'15 | 08:13

Apríl er alþjóðlegur mánuður gegn ofbeldi á börnum. Þennan mánuð og alla aðra mánuði ársins hvetur Blátt áfram einstaklinga, fyrirtæki og félagasamtök til að taka þátt í að gera Ísland að betri stað fyrir börn og fjölskyldur þeirra.

Það er hægt að gera með því að tryggja að foreldrar hafi þá þekkingu, hæfileika og bjargir sem þeir þurfa til að vernda börn sín. Ein af þeim leiðum sem Blátt áfram hefur valið er gerð nýs kennsluefnis, Verndarar barna II, kennsluefni til að hjálpa fullorðnum að koma í veg fyrir kynferðisofbeldi, læra á vísbendingar og styrkjast í að taka þau skref sem þarf til að hjálpa barninu.

Í lok apríl 2015, eða dagana 27.apríl – 3.maí hefst sala samtakanna á ljósinu/lyklakippunni og mun afrakstur þeirrar sölu fara aðallega í verð námsefnisins. Vinnan við gerð nýja kennsluefnisins hófst eftir söfnunina 2014 og lýkur vonandi á þessu ári.

Blátt áfram þakkar fyrir stuðninginn.

Með baráttukveðju

Guðrún Helga Bjarnadóttir, leikskólakennari og starfsmaður Blátt áfram