Sigurður Ragnar hættur sem þjálfari ÍBV

Leit hafin að nýjum þjálfara hjá ÍBV og Sigurður Ragnar leitar sér að nýju þjálfarastarfi

4.Október'14 | 15:34

Sigurður Ragnar Eyjólfsson óskaði í vikunni eftir að láta af störfum sem þjálfari ÍBV vegna fjölskylduaðstæðna og ÍBV hefur orðið við þeirri beiðni hans. Fyrir rétt tæpu ári skrifaði Sigurður Ragnar undir 3 ára samning við knattspyrnudeild ÍBV um þjálfun á meistaraflokki karla.

Hefur hann stýrt ÍBV á liðnu keppnistímabili, fór með ÍBV í undanúrslit Borgunarbikarsins og skilur við liðið áfram á meðal þeirra bestu í Pepsí deildinni. Oft er það þannig í lífinu að vinna og fjölskyldulíf ganga ekki fullkomlega upp. Fjölskylduaðstæður Sigurðar Ragnars eru þannig að eiginkona hans starfar á höfuðborgarsvæðinu og hann í Vestmannaeyjum. Þá fjölgaði í fjölskyldunni á árinu þegar þau eignuðust sitt annað barn.
Það hefur því verið mikið púsluspil fyrir Sigurð Ragnar að samræma vinnuna og fjölskyldulífið.

Óskar Örn Ólafsson, formaður knattspyrnudeildar ÍBV, segir að allir þeir sem koma að knattspyrnumálum í Vestmanneyjum muni sakna Sigurðar Ragnars. „Við skiljum hans aðstæður mjög vel og þökkum honum fyrir góð störf á vettvangi ÍBV. Þá óskum við Sigurði Ragnari velfarnaðar í þeim verkefnum sem hann mun taka sér fyrir hendur. Sigurður Ragnar hefur lagt sitt lóð á vogarskálarnar við að efla knattspyrnuna í Eyjum. Hann lét ekki aðeins að sér kveða hjá meistaraflokki heldur miðlaði af reynslu sinni hjá yngri flokkum félagsins. Sigurður Ragnar er mikill fagmaður og góður þjálfari. Næstu skref hjá okkur eru að hefja leit að nýjum þjálfara. Við munum gefa okkur góðan tíma til að finna rétta einstaklinginn í starfið,“ segir hann.

Sigurður Ragnar segist hafa átt góðan tíma hjá ÍBV og hafi hlotið dýrmæta reynslu sem þjálfari. „Ég er þakklátur ÍBV fyrir það tækifæri og traust sem félagið hefur sýnt mér. Því miður sé ég mér ekki fært að þjálfa ÍBV áfram því það hefði þýtt of mikla fjarveru frá fjölskyldunni minni. Ég hef samt mikinn metnað til að halda áfram þjálfun enda er þjálfun ástríða mín í lífinu og ég tel að ég hafi mikið fram að færa sem þjálfari. Vonandi opnast ný tækifæri fyrir mig í þjálfun sem fyrst við að þessar dyr lokast en þá nær fjölskyldunni. Ég sendi mínar bestu kveðjur til allra þeirra sem ég hef kynnst í Eyjum. Ég óska leikmönnum, knattspyrnuráði, þjálfurum og síðast en ekki síst stuðningsmönnum liðsins góðs gengis.

Með samstilltu átaki þeirra allra er framtíðin björt hjá ÍBV"

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Tungumálafólk óskast til vinnu sem túlkar

10.Maí'21

Alþjóðasetur leitar að fólki í Vestmannaeyjum til starfa sem túlkar.  Góð kunnátta á móðurmáli og íslensku er skilyrði, auk góðrar færni í mannlegum samskiptum, stundvísi, háttvísi og trúnaður.  Starfið er unnið í verktöku og ráðast laun af fjölda verkefna. Vinnutími er frjáls og sniðinn að óskum hvers og eins.  Boðið er upp á gjaldfrjálst starfsþjálfunarnámskeið áður en störf hefjast. Umsókn ásamt ferilskrá sendist á asetur@asetur.is  

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-