Hugmyndin ekki lausn!

Nú er komin fram áskorun frá nýjum samtökum til hátíðarhaldara landsins um að halda ekki útihátíð að ári, verði hátíðargesti nauðgað. Kynferðisbrot er grafalvarlegur glæpur! Það má hins vegar setja spurningamerki við það hvort einn veikur einstaklingur sem fremur slíkan glæp, geti slegið af hátíðarhöld til framtíðar. Einnig er mjög mikilvægt að þolendur slíkra glæpa séu ekki settir í þá stöðu að hika við að tilkynna glæpinn. Það má aldrei gerast. Það gæti hugsanlega sett þolanda í erfið spor, ef hann stæði frammi fyrir því að tilkynni hann glæpinn eða kæri árás á sig, verði Menningarnótt í Reykjavík sleginn af til framtíðar. Þessi hugmynd er ekki lausn! Menningarviðburðir, skemmtanir eða útihátíðir eru ekki vandamálið, það liggur á öðrum stað.