Tugprósenta launahækkun óraunhæf

6.Mars'14 | 08:11

Herjólfur

Herjólfur siglir aðeins eina ferð milli lands og Eyja í dag vegna verkfalls undirmanna sem hófst síðdegis í gær. Líkur eru á að skipið sigli ekkert um helgina. Samtök atvinnulífsins segja ekki hægt að mæta kröfu Sjómannafélags Íslands um launahækkanir sem nemi tugum prósenta.
 
Næsti sáttafundur á föstudag
Samningar undirmanna á Herjólfi hafa verið lausir frá 1. desember. Undir lok janúar var deilunni vísað til Ríkissáttasemjara. Ekkert hefur þokast í samningaviðræðum en næsti fundur verður á föstudagsmorgun. Verkfallið hefst í dag en bátsmenn, hásetar og þernur Herjólfs vinna ekki eftir klukkan fimm virka daga og ekkert um helgar. Á meðan siglt er um Þorlákshöfn nær skipið aðeins að fara eina ferð á dag. Allt kapp hefur verið lagt á að opna Landeyjahöfn en í besta falli verður hægt að sigla þrjár ferðir um hana fyrir klukkan fimm á daginn.
 
Leiðrétting á launum miðað við önnur farskip
Jónas Garðarsson hjá Sjómannafélagi Íslands segir að krafist sé leiðréttingar á kjörum undirmanna Herjólfs til samræmis við gildandi samninga við sjómenn á öðrum skipum en fiskiskipum. Hann vísar þar til millilandaskipa, varðskipa og skipa Hafrannsóknastofnunarinnar. Meðal annars er farið fram á átta stunda dagvinnu í stað níu og hækkun yfirvinnuálags sem nemur nú 33%.
 
Óraunhaufar kröfur
Samtök atvinnulífsins meta kröfugerðina svo að hún samsvari hið minnsta 40% launahækkun undirmanna Herjólfs. Jón Rúnar Pálsson, sem sæti á í samninganefnd samtakanna, segir kröfur Sjómannafélagsins úr takti við laun áhafna á öðrum farskipum. Auðheyrt er á deiluaðilum að samningar við skipverja Herjólfs eru flóknir, þar sem meðal annars er greitt aukalega fyrir vinnu við lestun og losun vöruflutningagáma. Töluverðar líkur eru á því að vegna verkfallsins sigli Herjólfur ekkert um helgina. Ef aðstæður leyfa getur ferðaþjónustubáturinn Víkingur siglt um Landeyjahöfn, en með honum er hægt að flytja 63 farþega en enga bíla.
 

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Hlaðvarpsþættirnir eru aðgengilegir hér á Eyjar.net og einnig á helstu veitum, svo sem Spotify. Sjá nánar hér...

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á [email protected] og saman finnum við lausn sem hentar þér.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).