Lundaballið 2013

Lundaball sem skráð verður á spjöld sögunnar sem það besta hingað til

Brimnes leikur fyrir dansi

4.September'13 | 10:41
Hið árlega Lundaball verður haldið í Höllinni þann 28. september næstkomandi og í ár eru það eðaldrengirnir í Brandinum sem sjá um ballið.
 
Þegar Brandurinn sá síðast um Lundaballið var það mál allra sem á ballið komu að það hafi verið það langbesta, enda kunna Brandarar fyndna brandara.

Í ár verður boðið upp á glæsilegt villibráðahlaðborð að hætti Brandarara og Einsa Kalda, auk þess sem miðnætursúpan verður á sínum stað. Skemmtiatriðin verða fjölbreytt og má búast við því að Gunni Ella Pé frumflytji ljóðið Sjón-in mín, Óli Lár láti nagla hverfa, Helgi forseti kyssi vinstrimann, Addi Þórs blæs upp dekk og mörgu fleiru.

Hljómsveitin Brimnes mun svo skemmta gestum fram eftir nóttu. Lundaballið í ár er skemmtun sem enginn má láta fram hjá sér fara. Saumaklúbbar, vinnustaðir og aðrir kjaftaklúbbar eru velkomnir á ballið.
 
 

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Tungumálafólk óskast til vinnu sem túlkar

10.Maí'21

Alþjóðasetur leitar að fólki í Vestmannaeyjum til starfa sem túlkar.  Góð kunnátta á móðurmáli og íslensku er skilyrði, auk góðrar færni í mannlegum samskiptum, stundvísi, háttvísi og trúnaður.  Starfið er unnið í verktöku og ráðast laun af fjölda verkefna. Vinnutími er frjáls og sniðinn að óskum hvers og eins.  Boðið er upp á gjaldfrjálst starfsþjálfunarnámskeið áður en störf hefjast. Umsókn ásamt ferilskrá sendist á asetur@asetur.is  

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.