Stemning og kraftur í Eyjamönnum

segir Magnús Gylfason

18.Júní'13 | 12:21
Magnús Gylfason, þjálfari Vals, mun í kvöld mæta sínum gömlu félögum í ÍBV en liðin eigast við í Pepsi-deildinni klukkan 18:00.
 
,,Það eru komnir einhverjir nýir menn síðan í fyrra en ég þekki ÍBV ágætlega," sagði Magnús við Fótbolta.net í dag.
,,Ég sé að það er stemning og kraftur í Eyjamönnum og þeir eru alltaf erfiðir. Ég hlakka til að mæta þeim í kvöld. Eins og fyrir alla leiki er mikill spenningur og hugur í mönnum en síðan verður að koma í ljós hvernig gengur."
 
Valsmenn eru fyrir leikinn fimm stigum á eftir toppliði KR og tveimur stigum á eftir FH og Stjörnunni. Hlíðarendapiltar þurfa því sigur í kvöld til að halda sér í toppbaráttunni.
 
,,Hver einasti leikur er mikilvægur til að skilja ekki að, sérstaklega þegar efstu liðin eru að vinna alla leiki. Við förum hóflega bjartsýnir í þennan leik eins og alla aðra. Við teljum okkur vera með ágætis lið og eiga góðan séns. Við erum á heimavelli og ætlum að gera okkar besta til að vinna."
 
James Hurst er ekki með Val í kvöld þar sem hann tekur út leikbann en Jónas Þór Næs er hins vegar klár í slaginn eftir meiðsli. ,,Jónas er klár og það er frábært að fá hann aftur inn, sérstaklega á þessum tímapunkti þegar Hurst er í banni."
 
Fyrir leik í kvöld verður minningarathöfn um Hermann Gunnarsson. ,,Hans verður minnst í kvöld og það er frábært að sýna honum þá virðingu sem hann á skilið," sagði Magnús að lokum.
 
 

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Tungumálafólk óskast til vinnu sem túlkar

10.Maí'21

Alþjóðasetur leitar að fólki í Vestmannaeyjum til starfa sem túlkar.  Góð kunnátta á móðurmáli og íslensku er skilyrði, auk góðrar færni í mannlegum samskiptum, stundvísi, háttvísi og trúnaður.  Starfið er unnið í verktöku og ráðast laun af fjölda verkefna. Vinnutími er frjáls og sniðinn að óskum hvers og eins.  Boðið er upp á gjaldfrjálst starfsþjálfunarnámskeið áður en störf hefjast. Umsókn ásamt ferilskrá sendist á asetur@asetur.is