Ragnheiður Elín vill leiða listann áfram

14.Október'12 | 13:18

Ragnheiður

Ragnheiður Elín Árnadóttir, þingmaður Sjálfstæðisflokksins, hefur tilkynnt kjördæmisráði flokksins í Suðurkjördæmi að hún ætli að sækjast eftir því að leiða lista sjálfstæðismanna fyrir þingkosningarnar á næsta ári.
Ragnheiður Elín er oddviti sjálfstæðismanna í Suðurkjördæmi og leiddi lista Sjálfstæðisflokksins í kjördæminu fyrir síðustu þingkosningar sem fram fóru vorið 2009. Hún gegndi meðal annars embætti þingflokksformanns flokksins 2010-2012.
 
„Ég tilkynnti félögum mínum í kjördæmisráði Sjálfstæðisflokksins í Suðurkjördæmi um ákvörðun mína um að óska eftir stuðningi til að leiða flokkinn áfram í kjördæminu. Ég hlakka til baráttunnar og áframhaldandi góðs samstarfs við allt það frábæra fólk sem í kjördæminu býr,“ segir Ragnheiður Elín á Facebook-síðu sinni í dag.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Tungumálafólk óskast til vinnu sem túlkar

10.Maí'21

Alþjóðasetur leitar að fólki í Vestmannaeyjum til starfa sem túlkar.  Góð kunnátta á móðurmáli og íslensku er skilyrði, auk góðrar færni í mannlegum samskiptum, stundvísi, háttvísi og trúnaður.  Starfið er unnið í verktöku og ráðast laun af fjölda verkefna. Vinnutími er frjáls og sniðinn að óskum hvers og eins.  Boðið er upp á gjaldfrjálst starfsþjálfunarnámskeið áður en störf hefjast. Umsókn ásamt ferilskrá sendist á asetur@asetur.is  

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...