Tryggvi í leikmannahópi ÍBV gegn FH

30.Ágúst'12 | 13:41
Tryggvi Guðmundsson, leikmaður ÍBV, verður samkvæmt heimildum Vísis í leikmannahópi liðsins sem mætir FH í Kaplakrika í Pepsi-deild karla í kvöld.
Tryggvi hefur verið hefur utan hóps hjá ÍBV í kjölfar agabrots um Verslunarmannahelgina. Auk þess var samningi Eyjamanna við Eyþór Helga Birgisson rift vegna agabrots.
 
Magnús Gylfason, þjálfari Eyjamanna, var í spjalli í útvarpsþættinum Boltinn á X-inu 977 í dag. Magnús útilokaði ekki að Tryggvi yrði í leikmannahópi ÍBV í kvöld sem yrði í fyrsta skipti síðan 29. júlí gegn Breiðabliki.
 
„Eigum við ekki bara að bíða og sjá? Það er mikil spenna í kringum þennan leik og við erum eins og þú segir að einbeita okkur að leiknum. Við viljum sem minnst vera að einbeita okkur að Tryggva. En auðvitað kemur það til greina, hann er einn af hópnum en það kemur bara í ljós þegar við mætum í leikinn," sagði Magnús í samtali við Hjört Júlíus Hjartarson.
 
Með sigri ÍBV í kvöld opnast titilbaráttan í deildinni upp á gátt. FH-ingar hafa fjögurra stiga forskot á toppi deildarinnar á KR en ÍBV yrði fimm stigum á eftir FH í þriðja sæti með sigri. ÍBV og FH mætast svo aftur í næstsíðustu umferðinni í Eyjum.
 
Leikur FH og ÍBV er í beinni útsendingu á Stöð2 Sport. Leikurinn sem fram fer í Kaplakrika hefst klukkan 18.

Tungumálafólk óskast til vinnu sem túlkar

10.Maí'21

Alþjóðasetur leitar að fólki í Vestmannaeyjum til starfa sem túlkar.  Góð kunnátta á móðurmáli og íslensku er skilyrði, auk góðrar færni í mannlegum samskiptum, stundvísi, háttvísi og trúnaður.  Starfið er unnið í verktöku og ráðast laun af fjölda verkefna. Vinnutími er frjáls og sniðinn að óskum hvers og eins.  Boðið er upp á gjaldfrjálst starfsþjálfunarnámskeið áður en störf hefjast. Umsókn ásamt ferilskrá sendist á asetur@asetur.is  

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-