Margrét aftur til Kristianstad?

14.Maí'12 | 08:38

Margrét Lára

Margrét Lára Viðarsdóttir, landsliðskona í knattspyrnu, er líklega á förum frá Turbine Potsdam í Þýskalandi eftir aðeins hálfs árs dvöl, samkvæmt frétt í Kristianstadsbladet í Svíþjóð í dag. Þar segir formaður félagsins að leitað sé að nýjum sóknarmanni, en formaður Kristianstad í Svíþjóð segir að Margrét sé velkomin aftur þangað.
„Það er ekkert leyndarmál að við leitum að nýjum sóknarmanni og Sofia Jakobsson er þar á blaði," segir Mathias Morack hjá Potsdam við sænska blaðið.
 
„Við höfum gert allt sem við höfum geta gert til að hjálpa Margréti með hennar meiðsli, lækna, sjúkraþjálfun og sérmeðferð, en ekkert hefur gengið. Hún á eitt ár eftir af samningnum og við sjáum til hvað gerist að tímabilinu loknu," segir Morack ennfremur.
 
„Við fylgjumst með hennar stöðu í Þýskalandi og hún er ekki góð. Hún er velkomin hingað aftur. Við höfum meiri þolinmæði gagnvart hennar meiðslavandamálum en þeir í Þýskalandi. Margrét hefur spilað mikið hér í Kristianstad og er í góðu sambandi við margar í okkar liði," segir Forsberg, formaður Kristianstad, en þar spila Sif Atladóttir, Katrín Ómarsdóttir og Guðný Björk Óðinsdóttir og Elísabet Gunnarsdóttir þjálfar liðið.
 
Margrét lék með Kristianstad í hálft þriðja ár áður en hún fór til Potsdam í lok síðasta árs. Hún varð markadrottning í sænsku úrvalsdeildinni í fyrra með 16 mörk í 21 leik, var jöfn Manon Melis sem skoraði 16 mörk fyrir Malmö. Alls gerði Margrét 27 mörk í 51 leik með Kristianstad í deildinni á þessum tíma.
 
Margrét hefur komið við sögu í fimm leikjum Potsdam í þýsku 1. deildinni eftir áramótin en ekki náð að skora. Góðar líkur eru á að hún verði þýskur meistari með liðinu en þegar tveimur umferðum er ólokið er Potsdam með 50 stig á toppnum og Wolfsburg er með 49 stig í öðru sætinu. Potsdam á reyndar mjög erfiðan útileik gegn Duisburg í næstsíðustu umferðinni um næstu helgi en Duisburg er í þriðja sætinu með 45 stig.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.