Andri og Gunnar Már líklega ekki með í byrjun

10.Apríl'12 | 12:23
Gunnar Már Guðmundsson, miðjumaður ÍBV, meiddist í æfingaferð liðsins á Spáni í síðustu viku. Gunnar Már lenti í samstuði á æfingu og við það brotnaði hluti af hnéskelinni hans.
 
Gunnar Már er núna í kapphlaupi við tímann til að verða klár fyrir fyrsta leik í Pepsi-deildinni í sumar.
,,Það var fyrst talað um 4-6 vikur en síðan var bæklunarlæknir að segja að þetta gætu orðið 2-3 vikur. Björtustu vonir eru að hann verði klár fyrir mót en annars bara fljótlega eftir að mót byrjar," sagði Magnús Gylfason þjálfari ÍBV við Fótbolta.net í dag.
 
Fleiri leikmenn eru að glíma við meiðsli hjá ÍBV en þar á meðal er fyrirliðinn Andri Ólafsson sem hefur ekkert verið með í vetur. Andri fór í aðgerð á nára síðastliðið haust en hefur ekki ennþá komist á fullt.
 
,,Hann er ekki kominn á fullt og er ennþá að hitta sérfræðinga. Ég á ekki von á honum fyrir fyrsta leik."
 
Tryggvi Guðmundsson mun einnig missa að minnsta kosti af fyrsta mánuðinum á Íslandsmótinu vegna blóðtappa en óvíst er hvenær hann verður klár í slaginn.
 
Pepsi-deildin hefst 6. maí næstkomandi en Eyjamenn heimsækja Selfyssinga í fyrstu umferð.
 

Fasteignasalan Eldey

11.Maí'21

Eldey fasteignasala.  Sími 861-8901.  Arndís M. Kjartansdóttir löggiltur fasteignasali.  Goðahrauni 1.  disa@eldey.net.  Lægsta söluþóknunin í Eyjum, 1 % fyrir einkasölu. 

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Tungumálafólk óskast til vinnu sem túlkar

10.Maí'21

Alþjóðasetur leitar að fólki í Vestmannaeyjum til starfa sem túlkar.  Góð kunnátta á móðurmáli og íslensku er skilyrði, auk góðrar færni í mannlegum samskiptum, stundvísi, háttvísi og trúnaður.  Starfið er unnið í verktöku og ráðast laun af fjölda verkefna. Vinnutími er frjáls og sniðinn að óskum hvers og eins.  Boðið er upp á gjaldfrjálst starfsþjálfunarnámskeið áður en störf hefjast. Umsókn ásamt ferilskrá sendist á asetur@asetur.is