Ég held að Hemmi berji nokkra leikmenn til eins og hann er vanur

segir Aron Einar um Hermann Hreiðarsson

31.Janúar'12 | 16:57

Hemmi Hreiðars Hermann Hreiðarsson

Hermann Hreiðarsson mun spila sinn annan leik með Coventry í kvöld þegar liðið fer í heimsókn til Blackpool. Coventry vann 3-1 sigur á Middlesbrough í fyrsta leiknum eftir komu íslenska víkingsins og þarf fleiri slíka sigri á næstunni ætli félagið að halda sæti sínu í deildinni.
Aron Einar Gunnarsson verður líka í sviðsljósinu í kvöld með liði sínu Cardiff City en hann kom þangað frá Coventry í sumar. Aron Einar er viss um að Coventry verði áfram í deildinni á næsta tímabili þrátt fyrir að það sitji nú í neðsta sæti deildarinnar.
 
„Maður finnur til með þeim í Coventry-liðinu því ég á fína félaga þarna og þekki starfsmennina. Þetta hefur ekki smollið hjá þeim en ég hef fulla trú á því að þeir haldi sæti sínu í deildinni af því að þeir eru með sterka leikmenn," segir Aron Einar Gunnarsson og honum lýst vel á það að liðsfélagi hans úr landsliðinu, Hermann Hreiðarsson, sé kominn til hans gamla félags.
 
„Ég held að Hemmi berji nokkra leikmenn til eins og hann er vanur. Það er bara gott fyrir Coventry að fá karakter eins og hann inn í liðið. Þetta er toppeintak af fótboltamanni og mikill atvinnumaður," sagði Aron Einar og bætir við:
 
„Hann er sterkur leikmaður og karakter sem vantaði í Coventry-liðið. Ég held að hann muni rífa þetta upp og hjálpa þeim að ná oftar í þrjú stig," segir Aron Einar.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Tungumálafólk óskast til vinnu sem túlkar

10.Maí'21

Alþjóðasetur leitar að fólki í Vestmannaeyjum til starfa sem túlkar.  Góð kunnátta á móðurmáli og íslensku er skilyrði, auk góðrar færni í mannlegum samskiptum, stundvísi, háttvísi og trúnaður.  Starfið er unnið í verktöku og ráðast laun af fjölda verkefna. Vinnutími er frjáls og sniðinn að óskum hvers og eins.  Boðið er upp á gjaldfrjálst starfsþjálfunarnámskeið áður en störf hefjast. Umsókn ásamt ferilskrá sendist á asetur@asetur.is  

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).