Eyjamenn eru vinnusamir og hafa nú tækifæri til að vinna mikið

Elliði Vignisson skrifar

19.Desember'11 | 14:26
"Þið hafið það gott í Vestmannaeyjum er það ekki". Þessa spurningu fæ ég oft. Henni svara ég yfirleitt með því að staðfesta að við höfum það sannarlega gott en það sé einfaldlega vegna þess að...
..við sem heild erum viljug til að vinna mikið þegar mikil vinna er í boði og þörf er á. Okkar ytri aðstæður eru þær sömu og hjá öðrum. Lánin okkar hafa hækkað eins og hjá öðrum Íslendingum, bensínlíterinn nálgast verð sem áður var á góðu Koníaki og líterinn af Koníaki kaupir maður vart nema með raðgreiðslum. Við finnum fyrir samdrátti ríkisins og það jafvel meira en aðrir. Áfram má lengi telja um hvernig kreppan bítur okkur í Eyjum. Munurinn er aðgegið að vinnu og viljinn til að vinna hana.
 
Núna nýverið birti Hagstofan upplýsingar um hækkun launavísitölu. Samkvæmt þeim tölum hækkuðu framtalin laun um 17,8% að jafnaði frá 2007 til 2010. Mest var hækkunin í Vestmannaeyjum.
Breyting á launatekjum skv. skattframtölum á þessum tíma er sem hér segir þegar litið er til mismunandi atvinnusvæða:
 
Reykjavík: -1%
Reykjanes: 6%
Vesturland: 13%
Vestfirðir: 15%
Norðurland vestra: 16%
Norðurland eystra: 14%
Austurland: 13%
Suðurland: 8%
Vestmannaeyjar: 31%
 
Miðað við umfjöllun sem í kjölfarið fylgdi hefði mátt ætla að fyrirtæki í Vestmannaeyjum hefðu hækkað laun verulega umfram það sem annarstaðar gerðist.
 
Við sem hér búum vitum vel að svo er ekki. Laun okkar flestra hafa einfaldlega fylgt almennum umsömdum kjarabótum. Stóri munurinn hér og víðast hvar er annarsvegar aðgengið að mikilli vinnu og hinsvegar viljinn til að vinna þá vinnu.
 
Í umfjöllun um heildarlaun þarf að hafa hugfast að á bakvið þessi laun er mikil og oft á tíðum erfið vinna. Eyjamenn hafa aldrei vílað fyrir sér að vinna mikið og það er fyrst og fremst það sem skýrir þennan mun.
 
www.ellidi.is
 
 

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Tungumálafólk óskast til vinnu sem túlkar

10.Maí'21

Alþjóðasetur leitar að fólki í Vestmannaeyjum til starfa sem túlkar.  Góð kunnátta á móðurmáli og íslensku er skilyrði, auk góðrar færni í mannlegum samskiptum, stundvísi, háttvísi og trúnaður.  Starfið er unnið í verktöku og ráðast laun af fjölda verkefna. Vinnutími er frjáls og sniðinn að óskum hvers og eins.  Boðið er upp á gjaldfrjálst starfsþjálfunarnámskeið áður en störf hefjast. Umsókn ásamt ferilskrá sendist á asetur@asetur.is  

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-