Finnur Ólafsson á leið í Fylki

22.Nóvember'11 | 19:53
Finnur Ólafsson, miðjumaður ÍBV, mun að öllum líkindum ganga til liðs við Fylki síðar í vikunni samkvæmt heimildum Fótbolta.net.

Fylkir gerði tilboð í Finn í síðustu viku og samkvæmt heimildum Fótbolta.net á einungis eftir að ganga frá smáatriðum áður en leikmaðurinn skrifar undir í Árbænum.
Finnur, sem er 27 ára gamall, á eitt ár eftir af samningi sínum við Eyjamenn. Þessi knái miðjumaður er uppalinn hjá HK en hann gekk til liðs við ÍBV fyrir tveimur árum.

Finnur hefur leikið vel með Eyjamönnum undanfarin tvö tímabil en í sumar spilaði hann sautján leiki í Pepsi-deildinni. Eftir tímabilið var hann valinn í lið ársins í vali Fótbolta.net.

Þónokkrar breytingar hafa orðið á leikmannahópi Fylkis frá því að Pepsi-deildin kláraðist í haust en Finnur verður ekki fyrsti leikmaðurinn sem félagið fær í sínar raðir.

Árni Freyr Guðnason, Björgólfur Takefusa og Magnús Þórir Matthíasson eru allir komnir í Árbæinn en Albert Brynjar Ingason, Fjalar Þorgeirsson, Baldur Bett og Valur Fannar Gíslason er horfnir á braut auk þess sem Gylfi Einarsson hefur lagt skóna á hilluna.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Fasteignasalan Eldey

11.Maí'21

Eldey fasteignasala.  Sími 861-8901.  Arndís M. Kjartansdóttir löggiltur fasteignasali.  Goðahrauni 1.  disa@eldey.net.  Lægsta söluþóknunin í Eyjum, 1 % fyrir einkasölu. 

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Tungumálafólk óskast til vinnu sem túlkar

10.Maí'21

Alþjóðasetur leitar að fólki í Vestmannaeyjum til starfa sem túlkar.  Góð kunnátta á móðurmáli og íslensku er skilyrði, auk góðrar færni í mannlegum samskiptum, stundvísi, háttvísi og trúnaður.  Starfið er unnið í verktöku og ráðast laun af fjölda verkefna. Vinnutími er frjáls og sniðinn að óskum hvers og eins.  Boðið er upp á gjaldfrjálst starfsþjálfunarnámskeið áður en störf hefjast. Umsókn ásamt ferilskrá sendist á asetur@asetur.is