Stuðningsmannakvöld knattspyrnudeildar ÍBV á SPOT næsta laugardagskvöld

16.Maí'11 | 13:32
 
Laugardagskvöldið 21. mai verður haldið styrktarkvöld knattspyrnudeildar og stuðningsmannaklúbbs iBV á fastalandinu og sannkallað Eyjakvöld
Boðið verður upp á þriggja rétta dýrindis máltíð og munu hinir ástsælu matreiðslumenn Grímur "Kokkur" Gíslason og hinn eini sanni Hörður Adolfsson á Skútanum sjá um töfrana í eldhúsinu ásamt matreiðslumönnum hússins.
 
Á dagskrá verða fjölbreytt dagskrá í tónum og tali m.a. happdrætti, munir tengdir leikmönnum ungum sem öldnum verða boðnir upp ásamt tónlistaratriðum svo fátt eitt sé nefnt.
 
Að borðhaldi og skemmtiatriðum loknu munu síðan þrjár Eyjasveitir spila á balli fram á rauða morgun en það eru ekki minni sveitir en Logar, 7-und og Hrafnar.
 
Allur ágóði styrktarkvöldverðarins rennur til knattspyrnudeildar ÍBV svo okkur þætti vænt um að sem flestir gætu séð sér fært um að mæta því miðaverði hefur verið stillt í hóf.
 
ÍBV varningur verður til sölu á staðnum og er þetta tilvalið kvöld til að skerpa á tengslunum og þétta raðirnar meðal stuðningsmanna og fjölga þeim til muna :-D
 
Miðaverð fyrir mat, skemmtun og ball er aðeins kr. 5.900,-
Forsala hefst mánudaginn 16. mai
 
Borðapantanir og forsala miða eru í síma 544 4040
Mætum sem flest og styrkjum okkar menn!
 
Áfram ÍBV!

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...