Gunnar Heiðar laus frá Esbjerg

1.Febrúar'11 | 16:21
Gunnar Heiðar Þorvaldsson knattspyrnumaður frá Vestmannaeyjum hefur verið leystur undan samningi við danska úrvalsdeildarfélagið Esbjerg en þar hefur hann verið á mála frá árinu 2008. Frá þessu er sagt á vef Esbjerg.
Gunnar hefur ekkert leikið með Esbjerg síðan í júlí 2009 en hann var síðan lánaður til Reading í Englandi og Fredrikstad í Noregi á síðasta ári.
 
„Þessi niðurstaða hefur legið í loftinu og nú eru báðir aðilar sammála um að tími sé kominn til að leiðir skilji. Hann er því laus allra mála hjá okkur frá og með 31. janúar, og þar með hefur hann möguleika á að finna sér annað félag. Það er ekkert leyndarmál að dvöl hans hjá okkur skilaði ekki því sem vonast var eftir en við óskum honum að sjálfsögðu alls velfarnaðar á ferli sínum," segir Niels Erik Söndergaard íþróttastjóri Esbjerg á vef félagsins.
 
Gunnar lék 26 leiki með Esbjerg og skoraði 4 mörk, þar af voru 22 leikir og 2 mörk í dönsku úrvalsdeildinni. Hann hefur spilað 22 landsleiki fyrir Ísland, síðast gegn Portúgal í október, og skorað 5 mörk.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Tungumálafólk óskast til vinnu sem túlkar

10.Maí'21

Alþjóðasetur leitar að fólki í Vestmannaeyjum til starfa sem túlkar.  Góð kunnátta á móðurmáli og íslensku er skilyrði, auk góðrar færni í mannlegum samskiptum, stundvísi, háttvísi og trúnaður.  Starfið er unnið í verktöku og ráðast laun af fjölda verkefna. Vinnutími er frjáls og sniðinn að óskum hvers og eins.  Boðið er upp á gjaldfrjálst starfsþjálfunarnámskeið áður en störf hefjast. Umsókn ásamt ferilskrá sendist á asetur@asetur.is  

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...