Búið að hífa fyrsta hal.

17.September'07 | 17:07

Ísfélag Vestmannaeyja Guðmundur VE

Jæja þá er búið að kasta og hífa fyrsta halið í þessum túr. Við köstuðum Viktoríunni hér um miðnótt og var svo híft um fjögur. Síldin dýpktaði á sér fljótlega eftir að það var kastað svo við ætlum að lúðra út stóra trollinu.
Pokinn var rétt að skríða á síðuna og mundi ég skjóta á að einhver 30 tonn væru í honum. Það er kannski ekki mikið en nóg til að koma vinnslunni af stað, við fáum svo bara meira næst. Okkur grunar reyndarað það hafi verið einhver snúningur á trollinu, annað hvort á pokanum eða belgnum því það var mikil ánetjun í belgnum rétt fyrir ofan reimingu.
  Það er búin að vera góð veiði hér hjá nótabátunum og eru Norðmennirnir búnir að vera duglegir við að melda inn afla í nótt. Frá því klukkan 01:42 - 05:48 hafa þeir meldað samtals 6,169 tonn frá ellefu skipum, svo það er engin spurning hvaða veiðarfæri hefur vinninginn í þessum slag hérna.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.