Veðurviðvörun: Norðvestan hvassviðri eða stormur

24.September'22 | 18:25
vidvaranir_vedur_240922

Skjáskot/vedur.is

Veðurstofa Íslands hefur nú gefið út viðvaranir fyrir alla landshluta. Nú síðast bættist Suðurland við. Þar tekur gul viðvörun gildi sunnudaginn 25 sep. kl. 10:00 og er hún í gildi til kl. 21:00.

Í viðvörunarorðum fyrir Suðurland segir: Norðvestan 18-23 m/s undir Eyjafjöllum og vindhviður yfir 30 m/s. Varasamt að vera á ferðinni á ökutækjum sem taka á sig mikinn vind. Fólk er hvatt til að ganga frá lausamunum.

Hættustig á Suðurlandi

Þá hefur ríkislögreglustjóri í samráði við lögreglustjóra hefur lýst yfir annað hvort óvissu- eða hættustigi í fjórum umdæmum á landinu vegna vegna veðurspár á morgun, sunnudag. Umdæmin sem um ræðir eru Norðurland vestra og eystra, Austurland og Suðurland, en þar er hættustig en á hinum þremur óvissustig.

Í tilkynningu almannavarna kemur fram að fólk sem hugi að ferðalögum sé hvatt til þess að fylgjast vel með veðurspám á www.vedur.is og upplýsingar um ástand á vegum á www.vegagerdin.is.

Ýmist eru gular, appelsínugular eða rauðar viðvaranir í gildi fram á aðfaranótt mánudags. Á vef Veðurstofunnar kemur fram að það muni á morgun snúast í norðvestan storm eða rok á austurhelmingi landsins. Þá mun snögg kólna með slyddu eða snjókomu á heiðum og fjallvegum á Norður- og Austurlandi.

Gert ráð fyrir rúmlega 8 metra ölduhæð við Þorlákshöfn

Í tilkynningu frá Herjólfi ohf. sem send var út síðdegis í dag er farþegum bent á að í fyrramálið er gert ráð fyrir stormi, 22 metrum á sekúndu ásamt mikilli ölduhæð. Að því sögðu er ljóst að Herjólfur kemur ekki til með að sigla til Landeyjahafnar. 

Samkvæmt spá er gert ráð fyrir rúmlega 8 metra ölduhæð við Þorlákshöfn. Að því sögðu biðjum við farþega sem ætla sér að ferðast með okkur fyrri hluta dags að fylgjast vel með miðlum okkar. Við gefum frá okkur tilkynningu kl. 06:00 í fyrramálið hvað varðar siglingar. 

Þeir farþegar sem ætla að nota gistirými ferjunnar eru minntir á að þeir þurfa að koma með sinn eiginn búnað. Hvað varðar siglingar fyrir seinni partinn á morgun, þá verður gefin út tilkynning kl. 15:00 á morgun. 

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Hlaðvarpsþættirnir eru aðgengilegir hér á Eyjar.net og einnig á helstu veitum, svo sem Spotify. Sjá nánar hér...

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á [email protected] og saman finnum við lausn sem hentar þér.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).