77,4 milljóna vinningshafi fannst eftir krókaleiðum

- var með rangt netfang og símanúmer skráð í Lottó-appið

23.September'22 | 15:30
Lott

Vinningshafinn hafði keypt lukkutölurnar í Lottó-appinu.

Íslensk getspá þurfti að hafa dálítið fyrir því að finna heppna Lottóspilarann sem vann fimmfalda pottinn 10. september síðastliðinn. 

Vinningshafinn hafði keypt lukkutölurnar í Lottó-appinu og var einn með þær allar réttar. Hins vegar hafði viðkomandi láðst að uppfæra upplýsingar um nýtt símanúmer og netfang í appinu. Þess vegna var ekki unnt að hafa samband, eins og jafnan er gert með alla stóra vinninga, þrátt fyrir ítrekaða tölvupósta og sjö skilaboð í talhólf náðist ekki í vinningshafann.

Var því næst prófað að senda skilaboð á helstu viðskiptabanka til að kanna hvort viðkomandi væri í hópi viðskiptavina þeirra. Fór því að lokum svo að starfsfólk eins bankanna gat haft upp á týnda vinningshafanum og vegna persónuverndarsjónarmiða beðið hann um að setja sig í samband við Íslenska getspá.

Vinningshafinn reyndist rúmlega fertugur karlmaður sem sagði vinninginn koma sér einstaklega vel enda íbúðakaup efst í huga hans. Rétt er að geta þess að sá heppni hefur nú þegar uppfært upplýsingar um símanúmer og netfang í appinu og er ekki úr vegi að minna aðra Lottóspilara á að gera slíkt hið sama svo hægt sé að hafa strax samband þegar þeir vinna þann stóra!

Starfsfólk Getspár/Getrauna óskar vinningshafanum innilega til hamingju og þakkar um leið veittan stuðning sem skiptir gríðarlega miklu máli fyrir öryrkja, íþrótta- og ungmennafélögin í landinu þar sem þau njóta góðs af sölu Lottó, segir í tilkynningu frá Íslenskri getspá.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Hlaðvarpsþættirnir eru aðgengilegir hér á Eyjar.net og einnig á helstu veitum, svo sem Spotify. Sjá nánar hér...

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á [email protected] og saman finnum við lausn sem hentar þér.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).