253 mál skráð hjá lögreglunni í Eyjum um nýliðna helgi

2.Ágúst'22 | 21:13
DSC_5642

Fjölmennt var í Herjólfsdal um helgina. Ljósmynd/Óskar Pétur Friðriksson.

Alls voru skráð 253 mál hjá lögreglunni í Vestmannaeyjum um nýliðna helgi, dagana 28. júlí til og með 1. ágúst. 

Til samanburðar voru skráð mál 252 um verslunarmannahelgina 2019 en þá fór Þjóðhátíð í Vestmannaeyjum síðast fram. Þetta kemur fram í tilkynningu frá lögreglunni í Vestmannaeyjum.

Tveir ökumenn voru kærðir fyrir ölvunarakstur og einn fyrir akstur undir áhrifum fíkniefna. Þrjú minniháttar umferðaróhöpp voru tilkynnt en engin slys á fólki.

Átta líkamsárásir eru skráðar, þar af eitt heimilisofbeldismál. Enginn þolenda hlaut alvarlega líkamsáverka. Í gær, mánudag, barst tilkynning um tvö kynferðisbrot. Einn var kærður fyrir ofbeldi og hótanir í garð lögreglu.

Lögreglan var líkt og jafnan þessa helgi með öflugt fíkniefnaeftirlit og var með þrjá fíkniefnaleitarhunda til aðstoðar. Alls komu upp þrjátíu fíkniefnamál, þar af eitt þar sem grunur er um sölu og dreifingu.

Lögregla sinnti tugum smærri verkefna af ýmsum toga sem fella má undir að aðstoða og greiða götu borgaranna. Það er mat lögreglu að helgin hafi almennt gengið ágætlega og verið rólegri en síðustu þjóðhátíðir. Að því sögðu er vert að hafa í huga að eitt ofbeldisbrot er einu ofbeldisbroti of mikið, segir að endingu í tilkynningu lögreglunnar.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á [email protected] og saman finnum við lausn sem hentar þér.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Hlaðvarpsþættirnir eru aðgengilegir hér á Eyjar.net og einnig á helstu veitum, svo sem Spotify. Sjá nánar hér...

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).