Fréttatilkynning:

Fleiri listamenn kynntir til leiks á Þjóðhátíð

1.Júlí'22 | 08:54

Ragga Gísla hefur oft skemmt þjóðhátíðargestum. Hér er hún á sviðinu í Herjólfsdal. Ljósmynd/Óskar P. Friðriksson

Þjóðhátíðardagskráin heldur áfram að hlaða utan á sig stórkostlegu listafólki og í dag eru fleiri listamenn kynntir til leiks.

Jóhanna Guðrún, Ragga Gísla, Hreimur, Aldamótatónleikarnir og Herbert Guðmundsson - sem er að koma fram í fyrsta skipti á Þjóðhátíð!

Loksins fær brekkukórinn að öskursyngja Can´t walk away í Herjólfsdal og ljóst að stemningin mun ná hæstu hæðum með ´80s goðsögninni á sunnudagskvöldinu. Herbert var einmitt að gefa út nýjan sumarsmell, I follow you - sem hlusta má á í spilaranum hér að neðan.

Einnig koma fram á Tjarnarsviðinu: Brimnes, Merkúr, Merkismenn, - en þar er alltaf gríðarlega góð stemning.

Áður höfðu verið kynnt til leiks þau Bríet, Bubbi, Aron Can, XXX Rottweiler, Flott, RVK DTR, Klara Elías, Herra Hnetusmjör, Birgitta Haukdal, Guðrún Árný, Sprite Zero Klan, Bandmenn, Stuðlabandið, Hipsumhaps, Una og Sara Renee

Í næstu viku verður dagskráin fullmótuð með síðustu tilkynningunni fyrir hátíðina, segir í tilkynningu frá skipuleggjendum.

Miðasala á hátíðina er á dalurinn.is