Styrkja mannúðarsamtök í Úkraínu

Styrkur til Unicef, UN Women og Caritas vegna hjálparstarfs í Úkraínu

27.Júní'22 | 07:25
ukraina_baen

Vart þarf að fara mörgum orðum um hið hörmulega ástand sem nú ríkir í Úkraínu.

Samtök fyrirtækja í sjávarútvegi (SFS) og fyrirtæki innan þeirra vébanda hafa ákveðið að styrkja þrenn hjálpar og mannúðarsamtök í Úkraínu um 130 milljónir króna. 

Upphaflega var tilkynnt um gjöfina á ársfundi samtakanna 6. maí en þá lá ekki fyrir hvaða hjálparsamtök yrðu fyrir valinu. Vart þarf að fara mörgum orðum um hið hörmulega ástand sem nú ríkir í Úkraínu en það er von fyrirtækjanna að gjöfin megi, þótt í litlu sé, koma að gagni. Ekki síst konum og börnum.

Samtökin sem styrkinn hljóta:

Caritas eru hjálparsamtök í Úkraínu. Styrkur til þeirra mun einkum fara til útibús samtakanna í borginni Ternopil sem er skammt frá borginni Lviv í vesturhluta landsins. Styrkurinn mun koma í góðar þarfir á þessum slóðum því þúsundir Úkraínumanna hafa flúið hörmungar í austurhluta landsins og leitað til borganna tveggja. Þar er mikill skortur á ýmsum nauðsynjum eins og mat, klæði og húsnæði.

UNICEF, Barnahjálp Sameinuðu þjóðanna, sinnir börnum og fjölskyldum þeirra innan og utan Úkraínu, en talið er að allt að 60-70% barna í Úkraínu hafi flúið heimili sín. UNICEF hefur opnað barnvænar hjálparstöðvar við landamæri Úkraínu þar sem fólk á flótta getur fengið mat, rými til að hvíla sig, sálræna aðstoð og nauðsynlegar upplýsingar. Þar er flóttafólk skráð og fjölskyldur sameinaðar. Samtökin sinna einnig fylgdarlausum börnum en talið er að um 4% barna á flótta tilheyri þeim hópi. Þá senda samtökin nauðsynjar til fæðingarheimila í Úkraínu sem starfa við ömurlegar aðstæður.

UN Women sinna neyðaraðstoð og sérstökum þörfum kvenna og jaðarsettra hópa. Eitt verkefna samtakanna snýr að því að styðja konur sem hafa verið beittar kynferðisofbeldi í stríðinu. Samtökin veita konunum athvarf, sálrænan stuðning og lögfræðiaðstoð. Mikilvægt er að koma konum og stúlkum til aðstoðar eins fljótt og hægt er og koma málum þeirra í þann farveg að hægt sé að sækja stríðsglæpamenn til saka, segir í tilkynningu frá SFS.

Fyrirtækin sem standa að gjöfinni:   

  • Arctic Fish, Ísafirði
  • Brim, Reykjavík
  • Eskja, Eskifirði
  • G. Run., Grundarfirði  
  • Gjögur, Grenivík
  • Hraðfrystihúsið Gunnvör, Hnífsdal
  • Huginn, Vestmannaeyjum
  • Iceland Pelagic, Hafnarfirði
  • Iceland Seafood International, Reykjavík
  • Ísfélagið í Vestmannaeyjum
  • Loðnuvinnslan, Fáskrúðsfirði
  • Oddi, Patreksfirði
  • Rammi, Siglufirði 
  • Samherji, Akureyri
  • SFS 
  • Síldarvinnslan, Neskaupstað
  • Skinney-Þinganes, Höfn í Hornafirði
  • Vinnslustöðin, Vestmannaeyjum
  • Vísir, Grindavík
  • Þorbjörn, Grindavík

Tags

SFS

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...