Ætlar að fylla Herjólfs­dal með partí­söng

22.Júní'22 | 09:03
gudrun_arny_21_opf

Guð­rún Árný á Brekkusviðinu í Herjólfsdal í fyrra. Ljósmynd/Óskar Pétur Friðriksson

Söng­konan Guð­rún Árný mun leiða fjölda­par­tí­söng á Þjóð­há­tíð í Eyjum um verslunar­manna­helgina. Þá munu Birgitta Hauk­dal og Herra Hnetu­smjör verða meðal þeirra sem munu skemmta í Dalnum.

Þetta kemur fram á vef Fréttablaðsins í morgun. Þar er haft eftir Guðrúnu Árnýju að hún sé mjög spennt fyrir þessu. „Mér líður eins og ég sé komin á þann stað sem ég vil vera á. Mig er búið að langa svo að geta gert þetta,“ segir söng­konan Guð­rún Árný, sem ætlar að leiða fjölda­söng, eins og henni einni er lagið, af stóra sviðinu á Þjóð­há­tíð í Eyjum.

„Þetta er ekki Brekku­söngurinn,“ heldur Guð­rún Árný á­fram og bætir við að hún hafi fengið sér­stakt pláss í há­tíðar­dag­skránni. „Ég verð á föstu­dags­kvöldinu á besta tíma, frá hálf ellefu til ellefu, þegar allir eru í stuði. Ég er svo spennt að ég er bara að bilast. Ég er ekki búin að mega segja frá þessu svo lengi að loksins get ég farið að tjá mig um þetta.“

Guð­rún Árný segir að lík­lega sé ó­hætt að tala um að hún sé að fara að stjórna stærsta fjölda­söng­skór landsins. „Jú, þetta er bara þannig og þetta verður bara allt milli himins og jarðar. Bara saman­safn af þeim lögum sem ég er beðin mest um í partíunum,“ segir söng­konan og telur upp lög á borð við Shall­ow, Ég lifi í voninni og 80´s klassíkina To­ta­l Eclip­se of the Heart.

„Þetta eru bara lög sem allir þekkja og svo eru líka lög sem allir aldurs­hópar kunna. Eins og Bohemian R­haps­o­dy, Gor­djöss, með Palla, og auð­vitað Mamma Mia. Þannig að þetta er bara það sem ég er beðin um alls staðar sem verður tekið þarna.“

Allt viðtalið við Guðrúnu Árnýju má lesa hér.

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.