Áframhaldandi meirihlutasamstarf H og E-lista innsiglað

Íris Róbertsdóttir verður áfram bæjarstjóri, Njáll Ragnarsson formaður bæjarráðs og Páll Magnússon forseti bæjarstjórnar

20.Maí'22 | 11:15
DSC_0045

Málefnasamningurinn handsalaður af oddvitunum. Ljósmyndir/Óskar Pétur Friðriksson

Eyjalistinn og Fyrir Heimaey munu áfram mynda meirihluta í bæjarstjórn Vestmannaeyja á næsta kjörtímabili. Þetta kemur fram í tilkynningu frá oddvitum framboðanna.

Enn fremur segir að málefnasamningur þar að lútandi hafi verið undirritaður í Eldheimum í dag. Fjölskyldu- og fræðslumál verða áfram í forgangi; samhliða ábyrgum rekstri og fjárfestingu í innviðum samfélagsins. Sömuleiðis verður lögð áhersla á að veita bæjarbúum framúrskarandi þjónustu.

Samkomulag er um að Íris Róbertsdóttir verði áfram bæjarstjóri; Njáll Ragnarsson formaður bæjarráðs og Páll Magnússon forseti bæjarstjórnar. 

Eyjalistinn verður með formennsku í fjölskyldu- og tómstundaráði og framkvæmda- og hafnarráði og Fyrir Heimaey verður með formennsku í fræðsluráði og umhverfis- og skipulagsráði, segir í tilkynningunni sem Njáll Ragnarsson, oddviti Eyjalistans og Páll Magnússon, oddviti Fyrir Heimaey skrifa undir.

Málefnasamningurinn.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...