Erlingur Guðbjörnsson skrifar:

Aukin lífsgæði í Vestmannaeyjum

10.Maí'22 | 10:35
Elli

Erlingur Guðbjörnsson

Kæru Vestmannaeyingar. Nú líður senn að bæjarstjórnarkosningum. Þar skipa ég 3. sæti hjá Eyjalistanum.

Það eru forréttindi að búa í Vestmannaeyjum. Ég flutti aftur til Eyja árið 2016 ásamt konu minni, Rögnu Steinu og börnum okkar þrem. Hér er öflugt íþrótta- og tómstundastarf, fjölbreytt atvinnulíf, frábærir skólar og blómlegt menningarlíf. Eyjarnar hafa upp á flest það að bjóða sem höfuðborgin hefur og er alltaf eitthvað hér um að vera, þá sérstaklega yfir sumartímann.

Að vera í Vestmannaeyjum er yndislegt

Ég fann að lífsgæðin jukust umtalsvert við það að koma aftur heim. Maður þarf ekki lengur að hýrast í bílnum heilu og hálfu tímana til að komast í og úr vinnu. Ég hef grætt meiri tíma með fjölskyldunni, sem er vanmetinn munaður. Krakkarnir njóta sín í fjölbreyttu íþrótta- og tómstundastarfi með frístundastyrk, sem er meiriháttar. Svo er hér glæsileg sundlaug sem fjölskyldan notar óspart.

Hér ertu með náttúruna við höndina. Þú þarft ekki að leita langt til að komast í fallegt umhverfi og anda að þér hreina loftinu. Til eru margar fallegar og skemmtilegar gönguleiðir út um alla eyju, sem alltaf er verið að bæta. Bæði auðveldar það gönguna og minnkar átroðning ferðamanna. Við þurfum að halda áfram á þessari braut og gera fleiri náttúruperlur okkar Eyjamanna aðgengilegar ferðamönnum vegna þess að við vitum það best sem hér búum að eyjan okkar er full af fallegum stöðum sem við þurfum að sýna gestum okkar.

En hvað má betur fara?

Með góðum samgöngum aukast lífsgæði töluvert og verðum við að passa upp á að þær séu alltaf með besta móti. Þar verðum við að vera dugleg að halda ríkinu við efnið. Einnig þarf að ráðast í að klára rannsóknir á göngum milli lands og Eyja.

Við þurfum líka að berjast fyrir bættri og betri þjónustu á Sjúkrahúsinu. Að hér sé staðsett sjúkraflugvél til þess að tryggja viðunandi bráðaviðbragð og þrýsta sömuleiðis á að farið verði af stað með sjúkraþyrluverkefnið á Suðurlandi til þess að auka öryggi þeirra sem eru í þörf fyrir bráðaþjónustu. Við þurfum sömuleiðis að hefja uppbyggingu nýs hjúkrunarheimilis og byggja þjónustuíbúðir fyrir eldra fólk.

Við hjá Eyjalistanum elskum Vestmannaeyjar og ætlum svo sannarlega að halda áfram að gera góðan bæ enn betri.

 

Erlingur Guðbjörnsson

Höfundur skipar 3. sæti Eyjalistans

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á [email protected] og saman finnum við lausn sem hentar þér.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Hlaðvarpsþættirnir eru aðgengilegir hér á Eyjar.net og einnig á helstu veitum, svo sem Spotify. Sjá nánar hér...

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).