Margrét Rós Ingólfsdóttir og Theodóra Ágústsdóttir skrifa:

Bæjarprýði og falleg byggð

9.Maí'22 | 13:45
Langalag torg - Copy

Myndir/aðsendar

Við trúum því að fólki í Vestmannaeyjum sé almennt annt um sitt nærumhverfi og hafi á því einhverjar skoðanir, þó mishátt þær fari. Frambjóðendur Sjálfstæðisflokksins hafa metnaðarfulla og skýra sýn í skipulagsmálum. 

Miðbærinn okkar getur orðið frábær

Ferðamenn sem til Eyja koma spyrja gjarnan hvar miðbærinn okkar er eiginlega að finna?  Sjálfstæðisflokkurinn vill styrkja miðbæinn í samstarfi við miðbæjarfélagið. Styrkja þarf ásinn frá Vigtartorginu og upp að Sagnheimum með því að markmiði að ramma bæinn betur inn og gera hann meira heillandi og sjarmerandi um leið. Vel heppnaðar endurbætur og uppbygging á miðbæjum sveitarfélaga víðs vegar um landið gefa okkur góða vísbendingu um hvað hægt er að gera hér, þar má nefna Selfoss, Seyðisfjörð og Siglufjörð.

Blómleg byggð á malarvellinum

Mikilvægt er að tryggja fjölbreyttar lóðir undir íbúðarhúsnæði. Landsvæðið í Löngulág er dýrmætt og mikilvægt er að vel takist til í undirbúningi og hönnun þess. Sómi þarf að vera af því svæði sem rís og byggð fjölbreytt. Við viljum kalla til hæfa hönnuði og halda samkeppni um svæðið því mikilvægt er að geta séð fyrir sér ólíkar útfærslur og mismunandi möguleika á uppbyggingunni. Svæðið býður upp á óteljandi tækifæri sem við megum ekki missa úr höndunum.

Mikilvægar úrbætur í umferðarmálum

Umferðarmál eru skipulagsmál. Það yrði óábyrgt að grípa ekki brátt til aðgerða á fjölförnustu og hættulegustu gatnamótum Vestmannaeyjabæjar. Við ætlum að bæta umferðaröryggi með því að setja umferðarljós á þessi gatnamót. Tilhugsun sú er hræðileg ef að á þessum svæðum yrðu einhvern tímann slys með óafturkræfum skaða, bæði fyrir einstaklinga og samfélagið.

Í Vestmannaeyjum eru margir möguleikar til vaxtar. Þó landsvæði sé takmarkað eru ýmis tækifæri til þess að samfélagið geti haldið áfram að dafna og fólksfjölgun geti átt sér stað. Við viljum leggja okkar krafta á vogarskálarnar svo það geti orðið - því hér eigum við heima.


Margrét Rós Ingólfsdóttir 
Theodóra Ágústsdóttir 
Frambjóðendur Sjálfstæðisflokksins 

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á [email protected] og saman finnum við lausn sem hentar þér.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Hlaðvarpsþættirnir eru aðgengilegir hér á Eyjar.net og einnig á helstu veitum, svo sem Spotify. Sjá nánar hér...

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).