Hvíslið:

Hvað gerðist árið 1992?

7.Maí'22 | 16:55
hasteinsvollur_2021

Hásteinsvöllur var tekinn upp og lagfærður fyrir þrjátíu árum. Þessi mynd er tekin í fyrra. Ljósmynd/TMS

Mikið hefur verið ritað og rætt um hvort rétt sé að setja gervigras á Hásteinsvöllinn fagurgræna.

Ljóst er að skiptar skoðanir eru á málinu. Ef horft er til baka, þá er rétt að rifja upp að völlurinn var síðast tekinn upp og lagfærður árið 1992. Síðan þá hefur Hásteinsvöllur verið einn besti grasvöllur landsins. Oftar en ekki tilbúinn fyrstur grasvalla á landinu á vorin. 

Bent hefur verið á í umræðunni að viðhaldskostnaður verði mun meiri á gervigrasi en á hefbundnu grasi. Talað hefur verið um að skipta þurfi um gervigras á að meðaltali 4 ára fresti með kostnaði upp á allt að 100 milljónum. Einnig er bent á að plastkurlið sem sett er í völlinn fjúki af stað í miklum vindi, sem á stundum er vandamál í Eyjum! Að ekki sé talað um umhverfismengun af slíku.

Margir skattgreiðendur í Eyjum klóra sér í hausnum yfir þessari framkvæmd. Hvíslað er um það víða af hverju ekki megi bara taka völlinn upp, setja í hann hitalagnir og vökvunarkerfi. Með eðlilegu viðhaldi ætti slíkur völlur að vera í góðu ásigkomulagi næstu þrjátíu árin. Með því væri hægt að sleppa við stóraukin viðhaldskostnað vallarins til framtíðar litið.

Kjörnir fulltrúar verða að taka þetta með í reikninginn þegar ákvarðanir eru teknar um framkvæmdir og aðallega þá hver rekstarkostnaðurinn er vegna þeirra.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Glæný fýlsegg

17.Maí'22

Er kominn með glæný fýlsegg. Upplýsingar í síma 8693499, Georg.