Guðrún Hafsteinsdóttir skrifar:

Góðir íbúar Vestmannaeyja!

7.Apríl'22 | 21:20
GuðrúnHafsteins_mynd

Guðrún Hafsteinsdóttir

Að baki er einstaklega vel heppnað prófkjör Sjálfstæðisflokksins hér í bæ og hefur listi framboðsins verið samþykktur. 

Það er ekki hægt annað en að gleðjast yfir frábærri prófkjörsbaráttu, miklum fjölda fólks sem bauð sig fram og drengilegri baráttu. Allt varð þetta til þess að skila góðri niðurstöðu þar sem valinn maður er í hverju sæti.

Hópurinn er vel samsettur, 8 karlar og 10 konur, nýtt fólk sem og reynsluboltar með breiðan bakgrunn.

Það sem vekur athygli er sá mikli áhugi sem var á prófkjörinu og sá gríðarlegi fjöldi sem tók þátt, en yfir 927 manns kusu í prófkjörinu og var kjörsókn yfir 60%. Í öllum samanburði er þetta glæsileg niðurstaða. Það er ljóst að Sjálfstæðismenn tóku því fagnandi að fá að velja fólk til forystu í sveitarfélaginu næstu fjögur árin enda hefur ekki verið haldið prófkjör í 32 ár!

Öll framkvæmd var til mikillar fyrirmyndar og ljóst að prófkjörið hefur hleypt miklu lífi í starf félagsins ekki síst með því að laða til starfsins nýtt og öflugt fólk.

Ég vil fyrir hönd Sjálfstæðisflokksins þakka því fólki sem hefur gegnt trúnaðarstörfum fyrir flokkinn á yfirstandandi kjörtímabili. Það er ómetanlegt að fólk gefi sig í störf í almannaþágu, fyrir það erum við þakklát og óskum þeim sem nú eru að hverfa af vettvangi alls hins besta í sínum störfum.

Við Sjálfstæðismenn göngum til kosninga í næsta mánuði full bjartsýni. Með sjálfstæðisstefnuna að vopni bjóða frambjóðendur flokksins fram krafta sínum fyrir ykkur íbúana.

Við þingmenn Sjálfstæðisflokksins í Suðurkjördæmi hlökkum mikið til samstarfsins við þennan öfluga hóp og saman munum við vinna af krafti fyrir hagsmuni íbúa Vestmannaeyja.

 

Guðrún Hafsteinsdóttir

1. þingmaður Suðurkjördæmis

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Hlaðvarpsþættirnir eru aðgengilegir hér á Eyjar.net og einnig á helstu veitum, svo sem Spotify. Sjá nánar hér...

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á [email protected] og saman finnum við lausn sem hentar þér.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).