Hildur Sólveig gefur kost á sér í fyrsta sæti hjá Sjálfstæðisflokki

21.Febrúar'22 | 09:15
hildur_sol_cr

Hildur Sólveig Sigurðardóttir

Hildur Sólveig Sigurðardóttir, oddviti Sjálfstæðisflokksins í Vestmannaeyjum tilkynnti í morgun um að hún sækist eftir að leiða áfram lista Sjálfstæðisflokksins í Vestmannaeyjum í komandi kosningum.

Hildur Sólveig leiddi einnig lista flokksins í síðustu sveitarstjórnarkosningum. Tilkynningu Hildar má lesa í heild sinni hér að neðan:

Ég flutti til Vestmannaeyja á 12. ári með einstæðri móður, engan veginn sátt með þá ráðstöfun á þeim tíma. Í dag er ég mömmu afar þakklát að hafa haft kjark að flytja frá sínu stuðningsneti í þetta öfluga eyjasamfélag sem tók henni og mér opnum örmum og mótaði mig í þann einstakling sem ég er í dag.

Ég þekki hvaða kostum sveitarfélagið býr yfir, að hér leynast óþrjótandi tækifæri og hver verðmætin í samheldninni eru þegar á reynir. Ég vil ólm að fleiri átti sig á þeim möguleikum sem þetta samfélag hefur upp á að bjóða og veit að það á mikið inni.
Það hafa verið forréttindi og ég er þakklát því trausti sem mér hefur verið sýnt á yfirstandandi kjörtímabili þegar ég tók nokkuð óvænt að mér leiðtogahlutverk flokksins. Það hefur vissulega verið krefjandi tímabil en fyrst og fremst lærdómsríkt og gefandi. Ég er stolt af breiðum hóp fulltrúa Sjálfstæðisflokksins sem hefur unnið vel saman, lagt sig fram, verið raunverulegt og áberandi aðhald við meirihluta, unnið að sóknartækifærum samfélagsins ásamt hagsmunagæslu gagnvart ríkisvaldinu.

Ég hef áhuga á samfélaginu, áralanga reynslu og þekkingu úr sveitarstjórn sem ég vil nýta áfram í þágu sveitarfélagsins. Ég hef því ákveðið að bjóða fram krafta mína í þjónustu fyrir samfélagið og sækist eftir að leiða áfram lista Sjálfstæðisflokksins í Vestmannaeyjum og gef því kost á mér í 1. sæti í prófkjöri flokksins fyrir komandi sveitarstjórnarkosningar. Ég tel framtíð Vestmannaeyja best borgið nú sem áður undir styrkri forystu Sjálfstæðisflokksins og vil leggja mitt af mörkum til að sú verði raunin.

Hildur Sólveig Sigurðardóttir
Bæjarfulltrúi og oddviti Sjálfstæðisflokksins
 

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á [email protected] og saman finnum við lausn sem hentar þér.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Hlaðvarpsþættirnir eru aðgengilegir hér á Eyjar.net og einnig á helstu veitum, svo sem Spotify. Sjá nánar hér...

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).