Fleiri segja upp störfum hjá Herjólfi

1.Febrúar'22 | 12:10
biladekk_nyr_herj

Ljósmynd/TMS

Fram kom í fjölmiðlum um helgina að skipverjar í áhöfn Herjólfs hafi undanfarið sagt upp störfum, og er hluti þeirra uppsagna rakin til ólgu og er mál yfirskipstjóra sagt í einhverjum tilvika hafa verið kornið sem fyllti mælinn.

Samkvæmt heimildum Eyjar.net skilaði einn vélstjóra ferjunnar inn uppsagnarbréfi í gær, og annar vélstjóri íhugar alvarlega að gera slíkt hið sama.

Áður höfðu fjór­ir í áhöfn Herjólfs sagt upp störf­um. Samkvæmt heimildum Eyjar.net funduðu fulltrúar áhafnarinnar með stjórn og framkvæmdastjóra útgerðarinnar í byrjun síðustu viku. Sá fundur var samkvæmt sömu heimildum ekki til að höggva á hnútinn, heldur þvert á móti. Í kjölfar þess fundar ákváðu tveir starfsmenn að segja upp störfum hjá félaginu.

Tveir starfs­menn sögðu upp störf­um nýverið, þau Sig­mar Logi Hinriks­son skip­stjóri og Ingi­björg Bryn­geirs­dótt­ir stýri­maður og samkvæmt heimildum Eyjar.net sagði Elís Jónsson, vélstjóri upp í gær.

Bæjarráð fundaði með stjórn Herjólfs

Stjórn og framkvæmdarstjóri Herjólfs ohf. komu á fund bæjarráðs Vestmannaeyja í gær og var farið yfir málefni félagsins og stöðu réttindamáls að því marki er hægt var að veita upplýsingar um það mál, segir í upphafi fundargerðarinnar. Þar er tekið fram að allir bæjarfulltrúar hafi fengið boð á fundinn með fulltrúum Herjólfs ohf.

Bæjarstjórn skipar stjórn Herjólfs ohf. Samkvæmt hlutafélagalögum og samþykkt Herjólfs ohf., fer stjórn félagsins með æðsta vald í málefnum félagsins milli hluthafafunda. Stjórn Herjólfs ohf., er nú skipuð þeim Arnari Péturssyni, formanni, Guðlaugi Friðþórssyni, Agnesi Einarsdóttur, Páli Guðmundssyni og Arndísi Báru Ingimarsdóttur, aðalmönnum. Varamenn eru Aníta Jóhannsdóttir og Birna Þórsdóttir Vídó. Framkvæmdastjóri annast daglegan rekstur félagsins. Framkvæmdastjóri Herjólfs ohf. er Hörður Orri Grettisson.

Það er því skýrt kveðið á um í lögum og samþykktum félagsins að hluthafi fari eingöngu með vald sitt á hluthafafundum og stjórn félagsins og framkvæmdastjóri beri ábyrgð á málefnum félagsins þess á milli.

Félagaform Herjólfs ohf. er með þeim hætti að pólitískir fulltrúar stígi ekki inn í stjórnun eða starfsmannamál félagsins. Hins vegar getur hluthafi kallað eftir upplýsingum um starfsemina, innan þeirra marka er lög um hlutafélög, upplýsingalög og/eða önnur lög, eigi þau við, kveða á um, segir enn fremur í fundargerð bæjarráðs.

Telja að ekki þurfi að koma til skerðingar á þjónustu

Í afgreiðslu ráðsins segir að bæjarráð þakki stjórn Herjólfs ohf. og framkvæmdastjóra upplýsingarnar. Bæjarráð tekur undir með stjórn félagsins um alvarleika málsins og mikilvægi þess að vinna það áfram með hagsmuni félagsins, starfsfólks og samfélagsins að leiðarljósi.

Þá leggur bæjarráð áherslu á mikilvægi þess að ekki komi til skerðingar á þjónustu Herjólfs ohf., en fram kom í máli stjórnar að hún teldi svo ekki verða.

Að endingu lagði Hildur Sólveig Sigurðardóttir, fulltrúi D lista fram bókun þar sem segir að undirrituð leggi áherslu á góða upplýsingagjöf og samskipti stjórnar við eigendur, starfsmenn og aðra hlutaðeigandi.

 

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Hlaðvarpsþættirnir eru aðgengilegir hér á Eyjar.net og einnig á helstu veitum, svo sem Spotify. Sjá nánar hér...

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á [email protected] og saman finnum við lausn sem hentar þér.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).