Ótraustar siglingar til Landeyjahafnar hafa slæm áhrif á samfélagið

28.Janúar'22 | 15:45
herjolfur_lan_062020

Herjólfur nær ekki að sigla til Landeyjahafnar í dag vegna grynninga. Ljósmynd/TMS

Ótraustar siglingar til Landeyjahafnar undanfarnar vikur hafa haft slæm áhrif á samfélagið í Vestmannaeyjum bæði á íbúa og fyrirtæki. Mikilvægt er að Vegagerðin bregðist við til að hægt verði að opna höfnina sem allra fyrst.

Svona hefst sameiginleg bókun bæjarstjórnar Vestmannaeyja sem samþykkt var á fundi bæjarstjórnar í gærkvöldi. Einnig ítrekar bæjarstjórn mikilvægi þess að við útboð á dýpkun hafnarinnar verði gerð rík krafa um tæknilega getu við dýpkun. Úttekt á höfninni þarf að ljúka eins fljótt og auðið er til að treysta sjósamgöngur við Vestmannaeyjar, segir í bókun bæjarstjórnar.

Leita að dýpkunarskipi erlendis

Íris Róbertsdóttir. bæjarstjóri greindi frá stöðunni í Landeyjahöfn á fundinum. Dýpið er ekki nægjanlegt til þess að hægt sé að sigla Herjólfi milli Vestmannaeyja og Landeyjahafnar. Jafnframt hefur veðrið gert það að verkum að ekki er hægt að dýpka svo að hægt sé að opna höfnina.

Umhverfisdýpið er nægt samkvæmt þeim mælingum sem gerðar hafa verið. Bæjarstjóri hefur verið í reglulegu sambandi við fulltrúa Vegagerðarinnar vegna stöðunnar í Landeyjahöfn. Haldinn var fundur þann 24. janúar sl., með Bergþóru Þorkelsdóttur, vegamálastjóra, og fulltrúum hjá Vegagerðinni. Á þeim fundi lýsti bæjarstjóri Vestmannaeyja miklum áhyggjum af tæknilegri getu dýpkunarskips Björgunar, eins og margoft hefur verið gert áður.

Þessu tengt: Landeyjahöfn: Áætla að hreinsa þurfi um 9.000 rúmmetra

Taka þarf um 9.000 rúmmetra úr hafnarminninu núna. Nauðsynlegt er að krafa um aukna tæknilega getu verði gerð í útboði sem verið er að undirbúa hjá Vegagerðinni. Fulltrúar Vegagerðarinnar taka undir áhyggjur af tæknilegri getu og að mikilvægt sé að gera auknar kröfur í útboðinu. Það er lykilatriði að höfnin lokist ekki og ef það gerist að þá taki skamman tíma að opna hana aftur.

Fram kom að Vegagerðin leiti allra leiða til að opna höfnina, m.a. með því að leita að skipi erlendis, sem getur komið með litlum fyrirvara. Jafnframt var rætt um stöðuna á úttekt á höfninni og að ljúka þyrfti henni sem fyrst.

Bæjarstjóri fór í framhaldi yfir mikilvægi þess að grunnrannsóknum á jarðgöngum til Eyja verði lokið sem fyrst.

Engar formlegar upplýsingar fengið um mál skipstjóra

Í bókun frá öllum bæjarfulltrúum Sjálfstæðisflokks segir að vegna umfjöllunar um starfsemi Herjólfs vilja undirrituð benda á að í eigendastefnu Herjólfs ohf. sem var samþykkt af meirihluta H- og E-lista í desember 2018 kemur m.a. fram að stjórnendur Vestmannaeyjaferjunnar Herjólfs ohf. skulu halda eigendum vel upplýstum um starfsemi og málefni fyrirtækisins. Bæjafulltrúar hafa engar formlegar upplýsingar fengið vegna málsins.

 

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.