Skipstjóri á Herjólfi sigldi með útrunnin réttindi

21.Janúar'22 | 16:35
herjolfu_nyi_0220

Herjólfur. Ljósmynd/TMS

Búið er að áminna einn af skipstjórum Herjólfs og hefur hann verið lækkaður í tign eftir að athugasemd og kvörtun barst um óeðlileg vinnubrögð af hans hálfu. 

Greint er frá málinu á fréttavef Ríkisútvarpsins. Þar segir enn fremur að lögskráningu skipsins hafi verið ábótavant, þar sem skipstjórinn hélt áfram að sigla eftir að atvinnuréttindi hans runnu út fyrir jól, og staðfestir Hörður Orri Grettisson, framkvæmdastjóri Herjólfs ohf. þetta við Ríkisútvarpið. Eitt af skilyrðum lögskráningar skipa er að skipstjórnarmenn hafi gild atvinnuskírteini.

Fram kemur í frétt Rúv að engin kæra hafa borist lögreglunni í Vestmannaeyjum vegna málsins. Jafnframt er haft eftir upplýsingafulltrúa Samgöngustofu að engar tilkynningar eða kvartanir hafi borist þeim, einungis fyrirspurnir.

Lögum samkvæmt er óheimilt að leggja skipi úr höfn nema allir skipverjar hafi verið lögskráðir. Að sögn Samgöngustofu var skipstjórinn í stöku tilfellum skráður um borð, þrátt fyrir að atvinnuréttindin væru útrunnin.

Skráði aðra sem skipstjóra þegar hann var sjálfur að sigla

Fréttastofa Rúv hefur heimildir fyrir því að um sé að ræða beinlínis ranga skráningu og skipstjórinn hafi skráð í einhverjum tilvikum nöfn annarra skipstjóra, án þeirra vitundar, þegar hann var sjálfur að sigla.

Stjórn Herjólfs segir í svari við fyrirspurn fréttastofu Rúv að málið sé litið alvarlegum augum. Verklag hafi verið endurskoðað af hálfu félagsins til að koma í veg fyrir sambærileg eða svipuð atvik endurtaki sig. 

Skipstjórinn fékk atvinnuskírteinið endurútgefið hjá Samgöngustofu fjórða janúar.

 

Frétt ruv.is.

Tags

Herjólfur

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Hlaðvarpsþættirnir eru aðgengilegir hér á Eyjar.net og einnig á helstu veitum, svo sem Spotify. Sjá nánar hér...

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á [email protected] og saman finnum við lausn sem hentar þér.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).