Eftir Írisi Róbertsdóttur

Staðan í Eyjum

16.Janúar'22 | 17:14
iris_robe

Íris Róbertsdóttir

Hér í Eyjum sluppum við nokkuð vel við upphaf þessarar nýju bylgju faraldursins sem nú er í hámarki, eða alveg þangað til síðari hluta desember.

Síðan þá hafa greinst smit reglulega og þau teygt sig víða, m.a. inn á Hraunbúðir og í leik- og grunnskólann. Bekkjadeildir í GRV, kjarnar og deildir á leikskólum, ásamt starfsfólki hafa lent í sóttkví og úrvinnslusóttkví.

Stjórnendur í leik- og grunnskólum hafa borið hitann og þungann af smitrakningunni í skólunum og gert það mjög vel. Foreldrar hafa sýnt ferlinu öllu, þ.e. sóttkví, úrvinnslusóttkví og öðrum þeim aðgerðum sem grípa hefur þurft til mikinn skilning. Þá hefur hertum samkomutakmörkunum almennt verið sýndur mikill skilningur en þetta er ástand sem reynir á marga.

Það er ljóst að staðan á faraldrinum er þannig að við munum þurfa að búa við þessar takmarkanir í einhverjar vikur í viðbót. Þetta er áfram sameiginlegt verkefni okkar allra eins og það hefur verið í tæp tvö ár. Forstöðumenn stofnana bæjarins munu senda frá sér upplýsingar eða tilkynningar ef grípa þarf til einhverra ráðstafana sem hafa áhrif á starfsemi eða þjónustu viðkomandi stofnana.

Ég vil þakka öllum þeim sem lagt hafa mikið á sig til að láta hlutina ganga og líka fyrir þá miklu samstöðu sem ríkt hefur hér í Eyjum í baráttunni við faraldurinn.

Til að geta haldið áfram þá verðum við að trúa á ljósið við enda ganganna. Það ljós sem felst í eðlilegu lífi og samskiptum eins og við þekktum fyrir faraldur. Ég vil trúa því sem segir í ljóðinu “Bráðum kemur betri tíð með blóm í haga“!

 

Íris Róbertsdóttir, bæjarstjóri

 

Greinin birtist fyrst á vef Vestmannaeyjabæjar.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Glæný fýlsegg

17.Maí'22

Er kominn með glæný fýlsegg. Upplýsingar í síma 8693499, Georg.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.