Fréttatilkynning:

Hraðpróf og grímuskylda á jólatónleikum kórs Landakirkju

13.Desember'21 | 10:20
kor_landakirkju

Kór Landakirkju heldur jólatónleika sína nk. miðvikudag. Ljósmynd/aðsend

Kór Landakirkju heldur jólatónleika sína að kvöldi miðvikudagsins 15. desember og hefjast þeir kl. 20:00. Löng hefð er fyrir tónleikunum og í hugum margra skipa þeir stóran sess á aðventunni. 

Tónleikarnir fóru ekki fram í fyrra og því má segja að undirbúningur hafi staðið yfir á annað ár. Dagskráin verður að vanda sneisafull af hátíðlegum og hrífandi jólalögum líkt og undanfarin ár.

Tónleikarnir eru tvískiptir rétt eins og hefð er fyrir en dagskráin hefst í sal safnaðarheimilis Landakirkju og líkur svo uppi í Landakirkju. Einar Clausen syngur einsöng með kórnum sem er dyggilega stýrt af Kitty Kovács organista Landakirkju. Aðrir undirleikarar eru Balázs Stankowsky, fiðla, Einar Hallgrímur Jakobsson, trompet, Jóhanna Svava Darradóttir, þverflauta.

Miðaverði hefur verið stillt í hóf en það er litlar kr. 3.000 fyrir þessa tónlistarveislu á aðventu.

Athugið að grímuskylda er á tónleikunum og framvísa þarf Covid-19 hraðprófi sem ekki er eldra en 48 klst gamalt. Hægt er að bóka hraðpróf á Heilsuvera.is og fara hraðpróf fram á heilsugæslu HSU í Vestmannaeyjum, segir í tilkynningu frá skipuleggjendum.

 

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.