Jóladagatal Listasafnsins: Dagur 10

10.Desember'21 | 07:00
10. desember-001

Varðan og bóndinn eftir Gísla Þorsteinsson frá Laufási.

Gísli Þorsteinsson (1906-1987) frá Laufási var þekktastur sem verkstjóri hjá Einari ríka í Hraðinu og síðar einn þriggja eigenda Fiskiðjunnar.

En hann átti sér áhugamál, hann málaði myndir, en að eigin sögn aðeins fyrir sjálfan sig. Glugginn inn í þennan dag ber þess vitni að Gísli var lagtækur málari og Listasafnið á mörg góð málverk eftir hann sem væri eins og svo margt annað gaman að geta sýnt oftar. Plássleysið hamlar enda sárvantar í Vestmannaeyjum sérhannaðan málverkasal. Varðan og bóndinn heitir þetta verk og er óársett.

Það er merkilegt þegar litið er yfir hin fjölmörgu málverk Gísla sem hér eru vistuð að hvergi mætir okkur athafnamaðurinn sem harmar það hlutskipti sitt að hafa ekki getað gefið sig listinni á vald heldur aðeins stolist í fang hennar í stopulum tómstundum. Þvert á móti birtist okkur málarinn með barnshjartað, naívistinn af Guðs náð sem innblásinn er af þjóðsögum  og glaðsinna fjöri sem endurspeglar von mannsins eftir hreinleika bernskunnar.  Það er gott að njóta listamannsins Gísla Þorsteinssonar til að minna okkur á inntak jólanna. 

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.