Gul viðvörun: Suðaustan hvassviðri eða stormur

4.Desember'21 | 09:56
gul_vidv_041221

Viðvörunin fyrir Suðurland tekur gildi kl. 11:00 í fyrramálið og gildir hún til kl. 20:00 annað kvöld. Skjáskot/vedur.is

Veðurstofan hefur gefið út gula viðvörun fyrir Suðurland, Faxaflóa, Breiðafjörð, Vestfirði, Strandir og norðurland vestra og Miðhálendið. 

Viðvörunin fyrir Suðurland tekur gildi kl. 11:00 í fyrramálið og gildir hún til kl. 20:00 annað kvöld.

Í viðvörunarorðum Veðurstofunnar fyrir Suðurland segir: Suðaustan 18-25 m/s, hvassast í vindstrengjum við fjöll og hviður um 40 m/s á þeim slóðum, t.d. undir Eyjafjöllum. Getur verið varasamt fyrir ökutæki sem eru viðkvæm fyrir vindi. Rigning á láglendi en mögulega snjókoma á fjallvegum og gæti færð spillst.

Í nýrri veðurspá fyrir Suðurland segir að það verði hæg breytileg átt og víða léttskýjað. Frost 1 til 10 stig, kaldast í uppsveitum. Bætir í vind í nótt, suðaustan 18-25 m/s í fyrramálið, hvassast í vindstrengjum við fjöll, og rigning eða slydda síðdegis. Hiti 1 til 5 stig. Dregur úr vindi og úrkomu annað kvöld.

Veðurhorfur á landinu næstu daga

Á mánudag:
Minnkandi suðaustanátt, breytileg átt 5-13 eftir hádegi. Él vestantil á landinu, rigning á Suðausturlandi og úrkomulítið annarsstaðar. Hiti kringum frostmark.

Á þriðjudag:
Breytileg átt 3-8. Él á norðanverðu landinu, en yfirleitt þurrt og bjart sunnantil. Hiti frá frostmarki með austurströndinni, niður í 10 stiga frost í uppsveitum suðvestanlands.

Á miðvikudag:
Hæg breytileg átt, víða léttskýjað og kalt í veðri.

Á fimmtudag:
Suðlæg átt og rigning eða snjókoma með köflum, en úrkomulítið norðan- og austanlands. Frost 0 til 8 stig, kaldast í innsveitum á Norðurlandi.

Á föstudag:
Suðvestanátt og él, en yfirleitt léttskýjað á Norður- og Austurlandi. Frost um land allt.
Spá gerð: 04.12.2021 08:30. Gildir til: 11.12.2021 12:00.

Nánar um veðrið.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...