Dagatal fyrir bragðlaukana: Heilsteiktur grís frá Spáni

4.Desember'21 | 09:33

Heilsteiktur grís frá Spáni.

Multicultural Center Vestmannaeyjar ætlar að hafa jóladagatal á Facebook í desember! Til þess að fagna fjölbreytileikanum ætlum við að hafa uppskriftir af jólamat frá mismunandi löndum í 24 daga í desember.

Ein uppskrift á dag mun birtast á facebook síðunni og tilvalið fyrir nýungagjarna sælkera að prófa sig áfram með jólauppskriftir frá Rúmeníu, Þýskalandi, Hollandi, Spáni, Portúgal og Póllandi svo eitthvað sé nefnt. Einnig munu birtast 2 gamlar og góðar frá Íslandi. Uppskriftirnar verða birtar bæði á ensku og íslensku svo að sem flestir geti notið þeirra.

Dagur 4 - Rodrigo A. Martínez Catalan - Spain/Spánn
Cochinillo al horno - Heilsteiktur grís frá Spáni

Hráefni:

1 stk. heill grís: 4 kg
200 gr. svínafeiti
4 hvítlauksrif
3 lárviðarlauf
gróft salt
timian
óreganó
Undirbúningur:
Hitið ofninn í 150°Celcius
Skolið og þurrkið grísinn, að innan og utan
Saxið hvítlaukinn smátt
Blandið hvítlauknum við svínafeitina, timian og óreganó
Nuddið kryddblöndunni á grísinn
Saltið

Setjið grísinn á grind og grindina í eldfast mót, álform eða steikarpott. Bætið vatni í botninn og gætið þess að vatnið snerti ekki kjötið. Eldið grísinn í 1 og ½ klukkustund. Ausið soði yfir kjötið öðru hvoru til að forðast að kjötið þorni.