Hanna áfram með ÍBV

Hönnu þekkja flestir í Vestmannaeyjum en hún hefur verið lykilleikmaður í liði ÍBV síðustu tvö leiktímabil, segir í frétt á heimasíðu ÍBV-íþróttafélags.

Hanna sem er 27 ára hefur ekki misst af einum einasta leik á þessum tveimur tímabilum og var fyrirliði liðsins á nýafstaðinni leiktíð. Hún lék átján leiki í Pepsi Max deildinni í sumar og skoraði tvö mörk, gegn Þór/KA og Breiðabliki. 

Hanna var valin leikmaður tímabilsins í fyrra en hún er mikil fyrirmynd fyrir yngri leikmenn félagsins þar sem dugnaður og vinnusemi hennar inni á vellinum skína í gegn í hverjum leik.