10 skráðir í einangrun í Eyjum

11.Október'21 | 11:04
cov-19

Í dag eru 10 skráðir í einangrun í Vestmannaeyjum.

Staðan á Covid-19 í Eyjum hefur verið ágæt undanfarið. Það hafa verið að detta inn eitt og eitt smit og mest voru á sama tíma 13 skráðir í einangrun í síðustu viku, segir Davíð Egilsson, svæðislæknir sóttvarna á HSU Vestmannaeyjum.

„Í dag eru 10 skráðir í einangrun. Flest smitanna tengjast ferðum erlendis og við höfum dæmi um smit sem ná framhjá þeim aðgerðum sem eru í gangi á landamærunum, þ.e. að smitin greindust eftir fyrstu tvo sólarhringana eftir heimkomu. Sem betur fer hafa þessi smit þó ekki náð miklu flugi og fá smit orðið innanbæjar. Að sama skapi hafa ekki stórir hópar þurft í sóttkví, ef frá er talið ein leikskóladeild sem nú er laus úr sóttkví án þess að frekari smit hafi greinst. ” segir Davíð.

Talsvert um umgangspestir hjá börnum þessa dagana

Hann segir að það megi samt lítið útaf bregða. „Því vil ég hvetja alla að fara áfram varlega, og sérstaklega þeir sem eru að koma erlendis frá að fara varlega fyrstu dagana eftir heimkomu og koma í sýnatöku ef einkenni koma upp. 

Við sjáum líka að það er talsvert um umgangspestir hjá börnum þessa dagana, bæði magakveisur og kvef, sem getur flækt málin. Við höfum sem betur fer ekki þurft að fá mörg börn í covid sýnatöku,  en það þarf þó að meta í hverju tilviki fyrir sig.” segir hann.

 

Tags

COVID-19

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla.