Sigurður nýr framkvæmdstjóri sjúkrahússviðs HSU

21.September'21 | 14:01
Sigurdur-Bodvarsson-hsu

Sigurður Böðvarsson. Mynd/hsu.is

Sigurður Böðvarsson sérfræðingur í krabbameinslækningum hefur verið ráðinn framkvæmdstjóri sjúkrahússviðs Heilbrigðisstofnunar Suðurlands (HSU), en hann gegnir jafnframt stöðu framkvæmdastjóra lækninga.

Sigurður hefur starfað sem yfirlæknir göngudeildar á sjúkrahússviði HSU frá því í desember 2018 og á síðasta ári leysti hann jafnframt af sem framkvæmdastjóri lækninga í fjarveru Hjartar Kristjánssonar, segir í frétt á vefsíðu HSU.

Það var mikill fengur að fá Sigurður til starfa á HSU.  Áður en hann kom á HSU starfaði hann í fjölda ára í Bandaríkjunum sem sérfræðingur í krabbameinslækningum við Gundersen Health System, La Crosse í Wisconsin og við Green Bay Oncology, Green Bay, Wisconsin. Þar áður starfaði hann um níu ára skeið sem sérfræðingur í krabbameinslækningum við Landspítala.  Hann hefur áralanga reynslu af meðferð krabbameinssjúklinga, rannsóknum, kennslu og stjórnun, var um tíma formaður Læknafélags Reykjavíkur og sat í stjórn Læknafélags Íslands. Sigurður lauk meistaragráðu í stjórnun heilbrigðisþjónustu frá Háskólanum á Bifröst árið 2009.

Um leið og við þökkum Hirti innilega fyrir hans störf, bjóðum við Sigurð hjartanlega velkominn í nýtt hlutverk hjá HSU, segir að endingu í frétt HSU.

Tags

HSU

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...